Submitted by तो मी नव्हेच on 12 August, 2020 - 07:40
चांदोमामाने ओढली छान ढगांची दुलई
घास भरवते बाळा, मग गाईन अंगाई
चिऊताई ही पिलांस चोची दाना भरवूनी
गोष्ट घरट्याची सांगे वर पंख पांघरूनी
मनीमाऊची ही बाळे दुध चुटुचुटु पिती
त्यांचे निळेशार डोळे हळूहळू पेंगुळती
उड्या मारून दमले शुभ्र वासरू गाईचे
दुध पिऊनच झोपे, ऐके आपुल्या आईचे
कसे बाबाही जेवती, त्यांना वाढे त्यांची माय
हात मऊसूत तिचा, जणू दुधावरली साय
तू ही ऐकतोस सारे, गुणी बाळ आहे माझे
संपवून भात सारा, येई पापण्यांवर ओझे
- रोहन
विषय:
Groups audience:
Group content visibility:
Public - accessible to all site users
शेअर करा
वाह... गोग्गोड अंगाई....
वाह... गोग्गोड अंगाई....
गोड अंगाई
गोड अंगाई
धन्यवाद शशांक, द्वैत
धन्यवाद शशांक, द्वैत
छान आहे अंगाई..
छान आहे अंगाई..
धन्यवाद रूपाली
धन्यवाद रूपाली
छान
छान
अगदी गोड लिहिलंय. वाचतांना
अगदी गोड लिहिलंय. वाचतांना बाळ झाल्यासारखं वाटलं...
फक्त शेवटचं ...येई पापण्यांवर ओझे ..खटकलं!
धन्यवाद मृणाली, धन्यवाद मानसी
धन्यवाद मृणाली, धन्यवाद मानसी