चार शब्दांचा धनी

Submitted by तो मी नव्हेच on 26 July, 2020 - 13:13

मी लिहिले चार शब्द जे भावले माझ्या मनी
शाप द्या वा थाप द्या त्या भावनांचा मी ऋणी

मी सुखाचा ही ऋणी अन् मी दु:खाचा ही ऋणी
तेच धन मग मिरवितो मी चार शब्दांचा धनी

धन्यवाद हे ईश्र्वरा तू कूस माझी उजविली
भावना प्रसवून झालो पुरूष जन्मी माऊली

थोर हे उपकार देवा लाज मजला तू दिली
हाव मजला थोरली पण बुद्धी नाही चोरिली

काय वय ह्या लेखणीचे, काय आमुची मगदुरी
खेळ-खेळा वयात वदले, श्री माऊली ज्ञानेश्वरी

-रोहन

Group content visibility: 
Public - accessible to all site users

" हाव मजला थोरली पण बुद्धी नाही चोरिली " --> Fan झालोय अजून येऊ द्या Happy
सगळी कविता खूपच भारी लिहिली आहेत

पुरुष जन्मी माउली - वा वा

वृत्त, मात्रा कृपया सांभाळा, जर वृत्तबद्ध लेखन करायचे असेल तर!

Happy