सौदेनडीयन लाल चटणी

पाककृती विभागात पहिल्यांदाच लिहिते आहे, तशी सोपी पण चविष्ट रेसिपी देते आहे, बरेच जण थोड्या फार फरकाने करतही असतील. मी माझे व्हर्जन दिले आहे. तर कृती पुढीलप्रमाणे:
बेडगी मिरच्या गरम पाण्यात साधारण दोन तास आधी भिजत घालून घ्या.
आता खोबऱ्याचे तुकडे धुवून बारीक चिरून घ्या.
त्यानंतर, मिक्सरमध्ये जीरे, लसूण आणि खोबरे बारीक करून घ्या.
त्याच भांड्यात आता मिरच्या, चिंच बारीक वाटून घ्या, त्यानंतर साधारण प्रमाणानुसार मीठ, गूळ आणि पाणी घालून अगदी गंध वाटून घ्यावे, चव तिखट थोडी आंबटगोड अशी झाली पाहिजे, तिखटपणा कमी वाटत असल्यास थोडे लाल तिखट add करू शकता.
आता चटणीला वरून फोडणी द्यायची त्यासाठी तेल चांगले गरम करून मोहरी, मेथीदाणे आणि हिंग अशी चुरचुरीत फोडणी द्यावी, चटणी खायला तयार.