ना देवेंद्र देव इथे , ना उद्धव आहे साव

Submitted by सिद्धेश्वर विला... on 26 November, 2019 - 02:27

ना देवेंद्र देव इथे

ना उद्धव आहे साव

आजही बळीराजा भीक मागतो

पण , त्याला काडीचा नाही भाव

संगीत खुर्ची चालू झाली

पवार वाजवतायत बिगुल

हरेक पठ्ठ्या मग्रूर इथे

पण आपलीच बत्ती गुल

किती बघावं , काय बघावं

कळत नाही काहीच

जो तो आम्हाला नाग वाटतो

आपला वाली कुणी नाहीच

का लावला डाग नखाला ?

डोक्याची झालीय भेळ

कोण बसणार खुर्चीवरती

यातच चाललाय वेळ

लाज बाळगा जरा मनाची

पुरे हि शोभायात्रा

लोकप्रतिनिधी निवडून दिलेयत

कि वेड्यांची भरलीय जत्रा

कुणीही बसावे , काही करावे

आता मेलेय माझे मन

डाग पुन्हा कधी लावणार नाही

हा करतोय आज मी पण

((( सिद्धेश्वर विलास पाटणकर )))

शब्दखुणा: 
Group content visibility: 
Use group defaults

धन्यवाद दोघांनाही

@ DJ साहेब

हो फार दिवसांनी आलो .. या रंजक राजकारणाने आणलं असं म्हणूया ..