रात्रीस खेळ चाले १

पोरखेळ आवडता हा माका, काकानु.

<< पोरखेळ आवडता हा माका, >> माकांय तो आवाडता आणि मी पण वाट बघतहंय त्येची !

धागा निर्मात्याप्रमाणे मलाही काही प्रश्न पडलेत...

आण्णा प्रत्यक्ष दिसतात पण ती बाई माधवच्या बायकोच्या अंगात येते. यातून आण्णा सुनेला त्रास देतील का?
कथेचा मूळ विषय आण्णांची प्रॉपर्टी आहे का आण्णांचं लफडं?
ती मेलेली बाई आली है का नाही? आण्णा सदेह आले तशी?
आत्म्यांचा रोमांस बघायला मिळेल का?
पांडू हाच या सिरीयलचा हिरो आहे हे माझे मत चुकीचे आहे का?
गणेशची काय गरज आहे मालिकेत?
गुरवाने विधी केला त्याचा माधव वर किती परिणाम झाला?

पण मालिका मला आवडतेच.

सिरियलमधे घडणार्‍या घटनांबद्दल कुठलंच स्पष्टीकरण नाही, लॉजिक नाही.
त्यामुळे (फारसे ओळखीचे चेहरे नसूनही) सिरियलमधील पात्रांच्या अभिनयाच्या जोरावर
ही सिरियल फार दिवस तग धरू शकेल असे आता वाटत नाही.

बाहुल्याच्या गळ्यातून रक्त येणे या प्रसंगाने सिरियलचा दर्जा खूप घसरला असे माझे वैयक्तिक मत आहे.
फार भडक वाटला तो प्रसंग.

एकूणच अतार्किक वाटणार्‍या अनेक प्रसंगांमुळे परवाच मनात एक हास्यास्पद विचार आला तो असा :

कुणाला तरी पडलेलं हे प्रदीर्घ स्वप्न होतं असा सिरियलचा शेवट होऊ नये म्हणजे झालं......

<< कुणाला तरी पडलेलं हे प्रदीर्घ स्वप्न होतं असा सिरियलचा शेवट होऊ नये म्हणजे झालं......>> कृपया माझी ४मे '१६ ची पोस्ट पहा !

कृपया माझी ४मे '१६ ची पोस्ट पहा ! >>> भाऊ, कृपया पान क्र. देता का ?

मी या धाग्यावर (आणि सद्ध्या मायबोलीवरही) फार कमी वेळा आलो आहे.

"मोठ्या कौतुकाने बघत असे ही मालिका पण काय, ' भंरवशाच्या म्हशीक टोणगो !"

हीच पोस्ट का ?

माझंही तसंच मत झालंय या सिरियलबद्दल.
म्हणूनच मी वर म्हटलंय ना,
"कुणाला तरी पडलेलं हे प्रदीर्घ स्वप्न होतं असा सिरियलचा शेवट होऊ नये म्हणजे झालं...... "

भाऊ नमसकर | 4 May, 2016 - 21:17
मला तर या सिरीयलचा एकच शेवट संभवतो -
डांबरी रस्त्यावरून आर्चिस गाडी मातीच्या कच्च्या रस्त्यावर वळवतो व हंळूवार आणून नाईकांच्या घरासमोर उभी करतो. आल्याची सूचना द्यायला तो हॉर्न वाजवतो . निलीमाची उतरण्याची लगबग सुरुं होते व तिच्या लक्षांत येतं माधव गाढ झोंपला आहे. "माधव, चल उठ, घर आलं." माधव खडबडून जागा होतो . निलीमाच्या लक्षांत येतं , तो घामाने डबडबला आहे. " काय रे, काय झालं ? " " अग भयानक स्वप्न पडलं. कशाचा कशाला मेळ नाहीं. पण इथलीं सगळीं माणसं काय काय रुपं घेवून मला भेडसावत होतीं." हें सांगतानाही माधवचा आवाज अजूनही कांपराच. " तुझं रहस्यकथांचं वेड तुला खरंच एक दिवस वेडा करणार आहे ", मिष्किलपणें हंसत निलीमा त्याला कोपरखळी मारते. "हें बघ माधव, यापुढे १५ दिवस इथल्या साध्या ,भाबड्या लोकांत आपणही तसंच होवून रहायचं. मस्त कोकणाचं वातावरण एंजॉय कारायचं. मीं लॅपटॉप आणला असला तरीही तो उघडणार नाही व तूंही तुझ्या रहस्यकथांची टिपणवही बंद करून ठेव".
इतक्यांत अण्णा, माई , दत्ता, सरिता, छाया, गणेश, अभिराम सगळे येवून गाडीला गराडा घालतात. सगळ्यांच्या चेहर्‍यावर आनंद ओसंडत असतो. पांडू हंळूंच पुढे सरकत " माधवानुं, मीं वळखलंय तुमकां. नाय इसरांक मीं !" म्हणतो. नाथा, त्याची बायको व मुलगीही लांबून हें बघत आनंद व्यक्त करत असतात. माधव घरांता शिरतां शिरतां हंळूच समोरच्या झाडाकडे बघून गालातल्या गालांत हंसतो ! समाप्त !!
स्वप्नच म्हटलं कीं कशाचंही कांहींही स्पष्टीकरण देण्याची अर्थातच गरजच उरत नाही !!! >>

ही पोस्ट भाऊकाकांची.

भाऊकाका तुमकां 3डी आवडतां?? कधी पोस्टी दिसले नायत तुमचे त्या धाग्यार..

निधि ग्रेट, शोधुन काढलीस पोस्ट.

हो गं... वेळ होता तर एक चांगलं काम केलं.

व्वा ! मस्त पोस्ट आहे भाउंची.

धन्यवाद Nidhi

<< भाऊकाका तुमकां 3डी आवडतां?? कधी पोस्टी दिसले नायत तुमचे त्या धाग्यार.. >> तीच एक सिरीयल मी खूपच नियमितपणे व आवडीने बघत असे.
बोलींग टाईट असली कीं माकां बॅटींग करूंक जमणां नाय. ह्या सिरीयलचां कसां सगळांच विस्कळीत त्यामुळे कशीय बॅट फिरवलेली चलता. ३डीच्या धाग्यार म्हणान माझे पोस्टी नाय .!!

मालिका बघणार्यांना मालिका बघून एवढे प्रश्न पडतात, त्याची उत्तरे लेखक दिग्दर्शकाला का पडत नाहीत? कदाचीत त्याची उत्तरे विक्रमच (विक्रम वेताळ) देऊ शकेल.

काल बर्‍याच दिसानी आमच्या ज्येष्ठ नागरिक टोळक्याक भेटूंक गेलंय. त्येतलो मालवणी मित्र उठून धांवतच इलो माझ्या स्वागताक. सगळां टोळक्यां देखील कधीं नाय तां मोठ्या कौतुकान बघताहा माझ्याकडे, दहावीच्या नुकत्याच लागलेल्या निकालात जणूं मीं मेरीटमधे इल्यासारखो. माकां शेजारीं बसवून मालवणी मित्रान मग मोठ्यान मालवणीतच गजाली सुरूं केले, जां मीं बिगर-मालवणी ग्रूपमधी टाळतंय. पण तो मित्र माकां मालवणीतच बोलूक भाग पाडताहा आणि बाकिच्ये कौतुकान ऐकतहत.
मग कळलां. ' रात्रीस खेळ..'वर त्येंची चर्चा चललेली आठवडोभर. माझ्या मालवणी मित्रान त्येंकां सांगलेलां " तां कसलां रद्दड मालवणी; भाऊ इलो कीं तुमकां ऐकवतंय अस्सल मालवणी " !

ही सिरीयल कायव धुडगूस घालीना पण मालवणी बोलीची चटक मात्र हीच्यामुळे लोकांक लागलीहा, ह्यां नक्की !

भाऊकाका मस्तच

तां माईंका कोणीतरी लवकरात लवकर आवरुक होया. लई बोअर मारतल्या तां .

काल काय झालं शिरेलीत??

पांडू शिवाय दुसरो कोण आवरतलो ? तोच सगल्याचो कर्ता करविता असा ना?

.

सगळ्यांचा कर्ता करविता पांडूच है पण तोच सगळं इसरतंय.

बोलींग टाईट असली कीं माकां बॅटींग करूंक जमणां नाय. ह्या सिरीयलचां कसां सगळांच विस्कळीत त्यामुळे कशीय बॅट फिरवलेली चलता. ३डीच्या धाग्यार म्हणान माझे पोस्टी नाय .!! सही भाऊकाका.

मी लिवून ठेवलेले 'रेसिपीज' आसत त्ये ! नाचताहास जशीं काय
सगळीं उत्तरांच गावलीं तुमकां नाईकांच्या घरातल्या प्रश्नांचीं !!

मी १६३ भाग परेन्त एक एक पाहिले पण मग वैताग आला. इतके ग्रीडी स्टुपिड लोक. काही ही टूं झाले कि हा काय तो बघायला हवा. काहीतरी करायला हवे करून काय तर नारळ उतरवून टाकणे, नारळ कुठे तरी ठेवणे. बेसिक ह्युमन डिसेन्सी नाही. ती छाया प्रॉडक्टिव्ह काहीच करत नाही.
सरिता व माई किती ओरडोन बोलतात. विश्वास रावाचे हिंदी बोगस वाट्ते. उगीच खेचले आहेत भाग. मग शेवटचे दोन बघितले. २०८ २०९ व बंद करून टाकले. असल्या लोकांना बघणे नको व ते वराडणे ऐकायला नको. शेवटी गुंडा ळून टाकले आहे चक्क. तो पांडू पण वैतागच आहे.

एक सीन मात्र त्याचा मजेशीर आहे. तो रघुकाकांना म्हणतो मला नवरी हवी मला नवरी दिली नाहीत तुम्ही. पूर्ण सीन मजेशीर घेतला आहे. गुड डायलॉग डिलिव्हरी.