ओळखा पाहू ....... एक गंमतखेळ - ३

Submitted by संयोजक on 1 September, 2019 - 10:50

मायबोलीच्या दर उत्सवात आपण एखादा तरी नविन गंमतखेळ खेळतो.... यावर्षीचा गंमतखेळ आहे "ओळखा पाहू"
यामध्ये दर तीन दिवसांनी खेळाचा विषय बदलला जाईल.

पुढच्या तीन दिवसांसाठी विषय आहे: मराठी साहित्यिक
यामध्ये मंडळ एखाद्या साहित्यिकासंदर्भात एखादा क्ल्यू देईल जसे की त्या साहित्यिकाच्या लेखनशैलीचा एखादा नमुना, त्या साहित्यिकाच्या पुस्तकांची नावे, त्या साहित्यिकासंदर्भात काही प्रसिद्ध किस्से/गोष्टी किंवा त्या साहित्यिकाचा छोटासा परिचय. त्यावरुन आपल्याला त्या साहित्यिकाचे नाव ओळखायचे आहे
बरोबर उत्तर देणारा पुढचा क्ल्यू देईल आणि हा खेळ पुढे चालू राहील.
या खेळामध्ये फक्त मराठी साहित्यिकांचा समावेश असावा.
क्ल्यू देताना कुठलीही उघड माहिती न देता पण पुरेश्या हिंट देवू शकलात तर हा खेळ खुप रंगतदार होईल.

उदाहरणार्थ:
एकदा 'उदाहरणार्थ' एक मित्र आला, त्याने भांडून 'वगैरे' मला गावबाहेर नेले. पूर्वी मी त्याला काही गोष्टी सांगितल्या होत्या त्याचा धाक धाकवून त्याने मला कायम 'मुर्दाबाद' केले
उत्तर: नेमाडे

किंवा
शिक्षणाने इंजिनीयर, व्यवसायाने कॉपीरायटर आणि तरुणाईचा लाडका कवी
उत्तर: संदीप खरे

किंवा
महाराष्ट्राचे लाडके व्यक्तिमत्त्व
उत्तर: पु. ल. देशपांडे

आवडला का हा खेळ?
करायची का सुरुवात?

तुमच्यासाठी पहीला क्ल्यू आहे:

"सवतंत्र सामाजिक नाटाक: "पायाचा दगड"
पार्टी गावतलीच
म्यानेजर: गुलाब हेरवाडे
आणि दिगदर्शक: अन्याबा परीट "

शब्दखुणा: 
Group content visibility: 
Public - accessible to all site users

क्ल्यू १ -
१.१ चुकीचा पाढा हे ह्यांच्या पुस्तकाचे नाव.
१.२ ह्यांनी इंग्रजीतही विपुल लि़खाण केले आहे.

क्ल्यू 2.

हे कॉलेजमध्ये भूगोल शिकवत असत आणि किशोरवयीन मुलांवरील त्यांचे लिखाण / सिरीज प्रसिद्ध आहे .

भूगोल नाही बहुतेक सायन्ससंबंधित विषय शिकवायचे ना कराडला प्रकाश संत, अमलताशमध्ये वाचलं. कॉलेजमध्ये ते दीक्षितसर म्हणून ओळखले जायचे. दोन नावं होती ना त्यांची, आजोळी दत्तक गेलेले.

फारएन्ड तो लेख वाचला नव्हता . लिंकबद्दल धन्यवाद .

अंजू , मी अमलताशमध्येच भूगोल शिकवायचे अस वाचलेलं आहे..जिओलॉजी संबंधित .

विकिपीडियावरदेखील भूरचनाशास्त्र अस लिहिलेलं आहे

ओके, मला वेगळं वाटतंय, भूगोल नाही. एका फ्रेंडला विचारेन, ती तेव्हा त्याच कॉलेजमध्ये शिकत होती. मे बी मी चुकतंही असेन.

उत्तर बरोबर आहे असं समजून पुढचं कोडं.

हे लेखक स्वतः वैज्ञानिक होते.
वैज्ञानिक हा शब्द नाम म्हणून न वापरता विशेषण म्हणून वापरला तर या लेखकाच्या बंधूंच्या कार्यक्षेत्रात वापरला जाणारा शब्दप्रयोग आठवेल Happy

वैज्ञानिक म्हटल्यावर जयंत नारळीकर पटकन आठवतात, पण ते आहेत अजून. होते लिहिलंय त्यामुळे दुसरे असावेत.

नारळीकर नाही.
हेही लेखक हयात आहेत, पण आता निवृत्त आहेत म्हणून वैज्ञानिक 'होते' असं लिहिलंय.

Pages