चिऊताईगिरी
मुन्नाभाईची बघून गांधीगिरी
चिऊताईला सुद्धा चढले स्फुरण
ठरवले तिने चिऊताईगिरीचे धोरण !
चिऊताई मोबाईल टॉवरवर चढली
तिने चीवचीवाट करीत नारे लावले
पण, शिकारी पक्ष्यांनी तिचे लचके तोडले !
उंच इमारतींच्या बंद काळ्या काचांवर
तिने इवल्याशा चोचीने केले प्रहार
पण, तिची चोच तुटून ती जायबंदी झाली !
तिने भरचौकात चिमण्यांचा थवा जमवला
कावळ्यांच्या विरोधात तिने आंदोलन केले
पण, गावगुंड कावळ्यांनी तिच्यावर हल्ले केले !
घरांमध्ये सदोदित गरगरणारे पंख्यांवीरोधात
गोल गोल फिरून तिने विरोध दर्शविला
पण, पंख्यांच्या पात्यांनी तिचे पंख छाटले !
बगीच्यात फवारल्या जाणाऱ्या कीटकनाशकांच्या विरोधात
विषाक्त कीटक खाऊन तिने चिवचिवाट केला
पण, त्याच कीटकनाशकांनी तिचा घात केला !
अन्न, पाणी आणि निवारा मागत राहिली चिऊताई
चिऊताईची चिऊताईगिरी झाली सपशेल फेल
घटल्या चिमण्या, झाली कबुतर, कावळ्यांची रेलचेल !
थांबव ही चिऊताईगिरी, निक्षून सांगतोय तुला
बदलतंय जग, लवकर बदलव स्वतःला
नाहीतर मिळून जाशील डायनोसॉर युगाला !
(जानेवारी २०१९, अप्रकाशित).
चिऊताईनी स्वतःत बदल
चिऊताईनी स्वतःत बदल करण्यापेक्षा तिच्यासाठी चांगले बदल आपण आपल्या आजुबाजुला केले पाहिजेत.
कविता छान आहे पण शेवटा करता
कविता छान आहे पण शेवटा करता मन्याशी सहमत.
छान आहे कविता.
छान आहे कविता.
चिऊताईला उद्देशून लिहिलेल्या ओळी 'लेकी बोले सुने लागे' आहेत.
चांगली चिऊताईगिरी आहे!
चांगली चिऊताईगिरी आहे!