मैत्री असावी...

Submitted by मन्या ऽ on 27 May, 2019 - 03:11

मैत्री असावी..

मैत्री..
मैत्री असावी,
खळखळत्या वाहत्या
झर्यासारखी.
रातराणीच्या
सुगंधासारखी
आसमंतात दरवरळणारी.

मैत्री..
मैत्री असावी,
वसंतातल्या
गुलमोहरासारखी.
स्वतः उन्हात पोळणारी
पण
नेत्रांना गारवा देणारी.

मैत्री..
मैत्री असावी,
उनाड वार्यासारखी.
केसांची बट अलगद
झुलवणारी,
मनसोक्त हसणारी
हसवणारी.
संकटसमयी
धावुन येणारी.

मैत्री..
मैत्री असावी,
पावसाच्या
पहिल्या सरीसारखी.
सुखांच्या सरींनी
चिंब भिजवणारी

मैत्री..
मैत्री असावी,
पहाटेच्या समिरासारखी
नवा आशेचा
किरण होऊन
आयुष्य
तेजोमय करणारी!..

(दिप्ती भगत)

शब्दखुणा: 
Group content visibility: 
Public - accessible to all site users

Nice!

Nice

अरे व्वा ! Happy
पुढील कवितेस शुभेच्छा !