संतरा बर्फी

सध्या बाजारात भरपूर संत्री आहेंत . नेट वर संतरा बर्फी च्या बर्‍याच रेसिपी आहेंत. त्यापैकी ही रेसिपी काही बदल करुन केली . चवीला छान झाली.
साहित्य :--
१ कप अगदी बारीक रवा
२ मोठे चमचे साजूक तूप
१ १/२कप साखर
१कप मिल्क पावडर
१ १/२ कप संत्र्याचा रस
३/४ कप संत्र्याची बारीक चिरलेली साले
कृती:--
१] साधारण ३ ते ४ सत्री सोलुन पाकळ्या सुट्या कराव्या. मिक्सर मधे फिरवुन तयार मिश्रण चाळणी तुन गाळुन घ्यावे .हा तयार संतरा रस साधारण १ १/२ कप होतो.
२]संत्र्याची साल आतल्या बाजूस , सुरीच्या टोका कडील बाजुने खरवडून घ्यावी. आतसाअशा २/३ साली एकावर एक ठेऊन , सुरीने त्याचे बारीक उभे तुकडे-साधारण अर्ध्या ईंचाचे कापून घ्यावे
आता मुख्य कृती कडे वळू.
फ्राय पॅन मधे तूप गरम करा.त्यात रवा घालुन अगदी मंद गॅसवर छान गुलाबी रंग येई पर्यंत भाजुन घ्या.
त्यात संत्राची बारीक चिरलेली साले घालुन परतुन घ्या.
आता सत्र्याचा रस थोडा थोडा घालुन परता.संत्र्याच्या रसात रवा शिजलेला दिसेल.
साखर घालुन छान परता.
आता मिल्क पावडर घालुन परता.
सर्व मिश्रण एकसारखा गोळा होईपर्यंत परता.
तूप लावून घेतलेल्या एका थाळीत हा गोळा एकसारखा पसरुन घ्या. थंड झाल्यावर वड्या पाडुन घ्या.
संत्र्याचा रस,साले वापरुन केलेल्या वड्या तयार आहेंत.