मिश्र डाळ पुदीना चटणी (पुदीना पप्पु पोडी)

Submitted by सारीका on 24 October, 2015 - 06:13
प्रत्यक्षात लागणारा वेळ: 
१ तास
लागणारे जिन्नस: 

२ वाटी ताजी पुदीना पाने
१ वाटी चना / हरबरा डाळ
१ वाटी मूग डाळ
१ वाटी उडीद डाळ
पाव वाटी तीळ
२ चमचे धने
२ चमचे जिरे
१० सुक्या लाल मिरच्या
चिंचेचा लिंबाएवढा गोळा
गुळ आवडीनुसार
२ चमचे वा आवश्यकतेनुसार तेल
मीठ चवीनुसार

क्रमवार पाककृती: 

एका कढईत सर्व डाळी व तीळ वेगवेगळे भाजून घ्यावे. डाळी लालसर भाजाव्यात व थंड होऊ द्यावे.
त्याच कढईत चमचाभर तेल टाकून पुदीना कुरकुरीत भाजावा. पुदीना काढून थंड होऊ द्यावा.
त्याच कढईत अजुन थोडे तेल टाकून धने, जिरे लाल सुक्या मिरच्या व चिंच भाजुन घ्यावी. सर्व जिन्नस वेगवेगळे भाजावे व थंड होऊ द्यावे.

मिक्सरच्या पॉटमधे आधी डाळी व तीळ एकत्र बारीक वाटुन घ्यावे, याच डाळींमधे पुदीना धने, जिरे, मिरच्या, चिंच, गुळ आणि मीठ टाकुन पुन्हा सगळे जिन्नस एकजीव बारीक करावे. मिश्र डाळ पुदीना चटणी तयार.
थंड करुन चटणी काचेच्या बरणीत भरून ठेवावी.

वाढणी/प्रमाण: 
आवडीनुसार
अधिक टिपा: 

डाळी लालसर कराव्यात करपु देऊ नये.
चटणी सुकी आहे पाणी वापरू नये.
चिंच गुळाचे प्रमाण आवडीनुसार कमी जास्त करावे.
मऊ भात, डोसा याच्यासोबत छान लागते.

माहितीचा स्रोत: 
सासूबाई
पाककृती प्रकार: 
प्रादेशिक: 
Group content visibility: 
Public - accessible to all site users