शंकरपाळे (जुन्या मायबोलीवरून)

Submitted by नलिनी on 14 October, 2014 - 11:20
shankar pale
प्रत्यक्षात लागणारा वेळ: 
३० मिनिटे
लागणारे जिन्नस: 

१ वाटी साखर
पाऊण वाटी तूप
१ कप दूध ( आपण भरतात वापरतो तो चहाचा कप)
मैदा/ गव्हाचे पीठ साधारण अर्धा ते पाऊण किलो.
तळण्यासाठी तेल किंवा तूप.

क्रमवार पाककृती: 

मैदा नको असेल तर गव्हाच्या पीठाचेही छान होतात.

मैदा चाळून घ्यायचा.
परातीत किंवा मोठ्या भांड्यात साखर घ्यायची (पिठीसाखर नाही बरं का! ).
तूप गरम करुन साखरेत ओतायचे.
ते परातीत हाताची पाची बोटे पसरुन फिरवत रहायचे. एगबिटर असेन तर त्याने ही मिक्स करू शकता.
ह्यात थोड्या प्रमाणात साखर वितळते. ह्यात गरम दुध टाकायचे आणि आणि पुन्हा हाताची बोटे पसरवुन साखर विरघळेपर्यंत हलवायचे.
आता हात फिरवतच ठेवायचा आणि थोडे थोडे करुन मैदा टाकत जायचे.
जेवढा मैदा बसेल तेवढाच घालायचा. चांगले मळुन घेऊन लगेच लाटायला घ्यायचे.(थोडा वेळ ठेवून लाटायला घेतेलेत तर शंकरपाळे विरघळतात.)
थोडी जाडसरच पोळी लाटायची. लाटतानाच पोळीला पुड सुटल्याचे जाणवते.
शंकरपाळे कापून घ्यायचे. सगळे करुन झाले की मध्यम आचेवर तळायचे.
अगदी खुसखुशीत, छान शंकरपाळे होतात. शिवाय तूपकट होत नाहीत. तळायलाही जास्त तूप लागत नाही,

shankarpale.jpg

अधिक टिपा: 

मापासाठी घेतलेली वाटी ही आपण भारतात वापरतो ती स्टीलची वाटी.

फोटो जुन्या मायबोलीत आहेच. दिवाळीसाठी केले की इकडे नवा फोटो देईन.

पाककृती प्रकार: 
प्रादेशिक: 
Group content visibility: 
Public - accessible to all site users

हमखास रेसिपी आहे. माझ्या वहीमध्ये पहिल्या पानावर आहे.
पहिल्यांदा एकटीने शंकरपाळे केलेत ते याच रेसिपीने. आजवर कधीच चुकले नाहीत. बरे झालेस इकडे आणलीस.

हमखास रेसिपी आहे. माझ्या वहीमध्ये पहिल्या पानावर आहे.
पहिल्यांदा एकटीने शंकरपाळे केलेत ते याच रेसिपीने. आजवर कधीच चुकले नाहीत. बरे झालेस इकडे आणलीस.>>>>>>>>> हे असे प्रतिसाद वाचले की रेसिपी हमखास ट्राय केली जाते.. अर्थात ही रेसिपी ट्राय करायला आताच मिळणार नाही.. पण जेव्हा जमेल तेव्हा नक्की प्रयत्न करणार Happy

(थोडा वेळ ठेवून लाटायला घेतेलेत तर शंकरपाळे विरघळतात.)>>>>>>> नलिनी माझे प्रमाण तुम्ही दिल्याप्रमाणेच आहे.पण दूधा ऐवजी पाणी घेते.पाणी +साखर+तूप एकत्र उकळून थंड झाल्यावर त्यात मावेल इतका मैदा घालायचा . २ तासांनी लाटायचे.कुरकुरीत न होता खुसखुशीत होतात.यावेळी तुम्ही लिहिल्याप्रमाणे
कणीक + दूध घालून पहाते.

थँक्स नलु रेस्पी इकडे टाकल्याबद्दल. प्रिंसेसचा प्रतिसाद वाचून हिंमत करू म्हणतेय. नाहीतर आतापर्यंत आयतोबाच आहे Wink

कोणी करणार असेल तर वाटी साखर अन कप दुध याचं कन्व्हर्जन एकच भांडी वापरुन करुन देइल का? म्हणजे तेच भांडं वापसुन किती साखर अन किती दुध ते? शक्य असल्यास किती मिली दुध अन किती ग्रॅम साखर पण प्लीज..

धन्यवाद सर्वांना!
देवकी, हे सुद्धा खुसखुशीतच होतात. मी अगदी जुन्या मायबोलीत कुरकुरीत शब्द वापरला आणि इथे तसाच कॉपी पेस्ट केला. Happy

चिमुरी, आपण भारतात जी स्टीलची वाटी वापरतो ना ती घेते मी. एक वाटी साखर, पाऊण वाटी तूप, एक ते सव्वा वाटी गरम दूध. हे प्रमाण घेतले तर साधारण अर्धा ते पाऊण की. मैदा लागतो.

Ho.chanach hotat ase s.pale. mazehi hech praman aahe. Fakta kartana me pithi sakhar, tup, dudh food processor madhe ghalte te on karun mavel tasa maida ghalat jate.aapale shram ani vel donhi vachtat.

me_mastani, तूपाऐवजी तेल वापरून पाहिले नाही कधी.

पण तळण्यासाठी तेल वापरते मी.

)लय भारी वेळेला धागा सापड्ला. सन्ध्याकाळी ५-६ ला भूक चाळवते. काहीतरि तोन्डात टाकायला करायला हव असा विचार येत होता मनात. उद्याच करेन.

नलीनी मान गये, काल office मध्ये ही रेसीपी वाचली, सकाळी office मध्ये येण्याआधी केली पण, अतिशय खुसखुशीत झाले माझे शंकरपाळे!! All credit goes to you...... Thank you so much... मेरे नाम पे लागा १२ साल पुराना दाग ( शंकरपाळे बिघड्ने का) तुमने धो दिया... साबाना पण आवड्ले.(तसे त्याना मझ्या हातचे कमीच आवड्ते)

mi suddhaa pahilyaaMdaa shankara paale banavale te yaach recipe ne . Khup chhan hotaat ya paddhatine

नलिनी मी सुद्धा परवा केलेत.. ईतके छान या पुर्वी कधीच झाले नव्हते, त्यामुळे पा. कृ साठी अनेकानेक धन्यवाद..
फोटो उद्या नक्की देते.