राधा प्यारी..

Submitted by रमा. on 1 October, 2013 - 06:03

राधा प्यारी..

कान्हाच्या या अनेक गोपी
तरी वाटते राधा प्यारी
प्रेम सखी ती, प्राण सखी ती
राधा, राधा, राधा न्यारी

रंग रंगतो, खेळ खेळतो
राधेला या छेड छेडतो
रंगुनी साऱ्या क्रीडांमधूनी
परी असे ही श्वेत बावरी

राधेने त्या चंग बांधला
छळतो मजला श्याम सावळा
पाहतेच मी कसा राहतो
माझ्याविन तो गोपमुरारी

राधेवाचून कसल्या क्रीडा
कसले गोकूळ, मनभर पीडा
करमेना जीव कृष्णाचा हा
राधेचाही प्राण उरावरी

राधे सखये कृष्ण आळवी
म्हणतो राधा, राधा, राधा प्यारी
प्रेम सखी ती, प्राण सखी ती
राधा, राधा, राधा न्यारी

विषय: 
काव्यलेखन
साहित्य
शब्दखुणा: 
कविता
Groups audience: 
गुलमोहर - कविता
Group content visibility: 
Public - accessible to all site users
शेअर करा

छान Happy

Submitted by शुभांगी. on 2 October, 2013 - 06:16

उत्कट सुरुवात, छान लिहिलेय.
एखाद्या जागेवर अजून जास्त विचार करता येईल ..

Submitted by भारती.. on 2 October, 2013 - 06:25

रमा...

कृष्णापेक्षाही राधेच्या प्रेमात पडूनच ही कविता उतरली आहे असे जाणवत गेले.

"......छळतो मजला श्याम सावळा
पाहतेच मी कसा राहतो
माझ्याविन तो गोपमुरारी...."

यातील राधेची लटकी अशी धमकी फारच भावण्यासारखी आहे.

Submitted by अशोक. on 2 October, 2013 - 10:09