સાબરમતી च्या काठावर ....

Submitted by निलेश रोडे १ on 15 July, 2013 - 11:11

सध्या नॅशनल एड्स कंट्रोल सोसायटीच्या कृपेने एका एच आय व्ही / एड्स क्लिनिकमध्ये काम करत आहे. देशभरातील डॉक्टरांसाठी नॅकोने एक ट्रेनिंग सेशन घेतले होते. तेही चक्क अहमदाबादमध्ये.

अहमदाबादला जायचं म्हटल्यावरच मनात अगदी 'मोद' (!) दाटून आला. Happy

डोंबिवलीहून गाडी रात्री सुटली. खाजगी बसनेच गेलो. दोन वर्षापूर्वी पाय मोडल्याने रेल्वेची धावपळ तशी जमत नाही. पण बस / विमान वगैरे चालते. ( धनगरी उपायाने तेवढी ताकत टिकून आहे. Happy )

बसमधून सकाळी सहा ते अहमदाबादला पोचेस्तोवर म्हणजे तीन एक तास गुजरात पाहिला. आणि मन अगदी थक्क झालं. अगदी हिरवंगार, स्वच्छ आणि सुंदर. कितीतरी ठिकाणी चक्क मोर नाचत होते. तेही अगदी रस्त्याच्या कडेला. गावे / शहरेही अगदी स्वच्छ. जणू काही कुणी तिथे रहातच नाही की काय अशी अवस्था. कुठलाही दुर्गंध नाही.

अगदी अहमदाबाद आले तरी स्थिती तीच. अहमदाबाद मुंबईच्या तुलनेने अगदी स्वच्छ वाटले.

हे काही फोटो.....

IMG0002A.jpg

वेळात वेळ काढून गांधी आश्रम पाहिला. साबरमतीच्या शेजारी जागा अगदी सुंदर आहे. गांधीजींच्या घरासमोरुन वाहणारी नदी.

IMG0042A.jpg

प्रवेशद्वाराजवळील फोटो

IMG0013A.jpg

बापूजींचे हस्ताक्षर..

IMG0014A.jpg

आर के लक्ष्मणांची व्यंगचित्रे

IMG0019A.jpgIMG0020A.jpg

बापूजी आणि कस्तुरबा..

IMG0015A.jpg

ओळखा पाहू??? Happy काय म्हणत असेल ती? जागो मोहन प्यारे !! Happy

IMG0041A.jpg

पाकिटावर नुस्तं नाव लिहिलं तरी त्याना पत्रे मिळत असत.

IMG0025A.jpg

घराची प्रतिकृती ... अगदी साधे कौलारु घर आहे. घर ९६ वर्षे जुने आहे. तिथे बसले तरी अपार शांतता मिळत होती. आपलेही घर असेच हवे.

IMG0046A.jpgIMG0048A.jpgIMG0049A.jpgIMG0050A.jpgIMG0058A.jpgIMG0036A.jpgIMG0040A.jpgIMG0053A.jpgIMG0054A.jpg

आमच्या हॉटेलच्या जवळ नदीत बोटिंगची सोय होती. तिथेच शेजारी असलेला उद्घाटनाचा बोर्ड .... Proud समस्त मायबोलीकर खुश !!!!!!!!

IMG0059A.jpg

आमच्या हॉटेलच्या समोर हे एक हॉटेल होते. हॉटेल पतंग . त्याचे ते वरचे गोल डोके गोल फिरते म्हणे. माझी रुम त्याच्या अगदी समोरच होती. पण मला काही ते फिरताना दिसले नाही.

IMG0003A.jpg

ज्या बी जे मेडिकलने आमचे ट्रेनिंग घेतले, त्याचे प्रवेशद्वार..

IMG0004A.jpg

Group content visibility: 
Public - accessible to all site users

सही! 'महात्मा गांधी, जहां हो वहां' हे जबरी आहे. त्या फोटो मधे इंदिरा गांधी आहेत ना?

बाकी फोटोंबद्दलही माहिती द्या जमल्यास.

ट्रीप छान झाली.

बाकी फोटोंबद्दलही माहिती द्या जमल्यास >> +१००

साबरमतीच्या शेजारी जागा अगदी सुंदर आहे
>>
नदीचे पाणी कसे आहे? प्रदुषित नाही ना? मागे राज ठाकरे म्हणाले होते की नाशिकात गोदावरी एकदम साबरमती सारखी करुन दाखवणार म्हणून.

हॉटेल पतंग . त्याचे ते वरचे गोल डोके गोल फिरते म्हणे.
>>
बहुतेक ते आतल्या बाजूने असावे. सेंटॉर हॉटेल पण असेच होते. अजुन असावे बहुतेक.

पाकिटावर नुस्तं नाव लिहिलं तरी त्याना पत्रे मिळत असत.
>>
राहुल गांधींसाठीपण अशी काही सुविधा पोस्टाने द्यायला हवी. Happy
अनेकदा गरजेच्या वेळी ते गायब असतात.

>> मन अगदी थक्क झालं. अगदी हिरवंगार, स्वच्छ आणि सुंदर. कितीतरी ठिकाणी चक्क मोर नाचत होते. तेही अगदी रस्त्याच्या कडेला. गावे / शहरेही अगदी स्वच्छ. जणू काही कुणी तिथे रहातच नाही की काय अशी अवस्था. कुठलाही दुर्गंध नाही.. >>

छान वाटले अन वाईटही. अशी स्वच्छता , सुंदरता महाराष्ट्रात का नाही म्हणून.

अहमदाबादला जावून ६-७ वर्ष झाली. आता खूप बदल झाले असतिल. पण मी असताना साबरमतीचं पाणी प्रदुषित होतं. त्यावेळी साबरमती रिव्हरफ्रंट डेव्हलपमेंट प्रोजेक्ट चालू होता. माझे काही मित्र त्या प्रोजेक्टवर काम करत होते. साबरमती आश्रमात तर खूपदा जाणं व्हायचं. साबरमती आश्रम, त्याच्या आजुबाजुचा परिसर आणि त्याच्या समोर असलेला झोपडपट्टीचा भाग यावर दोन प्रोजेक्ट केले होते कॉलेजच्या कामाचा भाग म्हणून. तिथल्या या पूर्ण भागाची गांधींची फिलॉसॉफी वापरुन रोडेव्हलपमेंट आणि त्या भागाच्या ट्रॅफिक डेव्हलपमेंट बद्दल असे दोन प्रोजेक्ट होते. खूप फिरलेय त्या भागात.

सॉरी तुमच्या धाग्यावर मी दुसरंच पुराण सुरु केलं. पण अचानक साबरमती आश्रमाचे फोटो बघून कॉलेजातल्या आठवणी आल्या.

कितीतरी ठिकाणी चक्क मोर नाचत होते. >>>>

आयपीआर Institute for Plasma Research (गांधीनगरला) अ‍ॅटोवाले हळूहळू चालवतात, कारण मोर मध्येच रस्त्यावर येतो Happy

ફોટા ગમ્યા નિલેશ .શારુ છે .ગાંધિના ગામમા મોર તો થાયછ ના .फोटो छान ,गांधिंच्या गावात मोर तर असणारच . जाति धर्मावरून गुजरातमध्ये फार दंगे झाले आहेत .सध्या वरवर शांत आणि आमोद आहे .

स्वच्छता व साधेपणा हा गांधींच्या विचारसरणीचा स्थायीभावच होता याचा प्रत्यय साबरमती, वर्धा व मूळ [चंद्रपूर जिल्हा ] येथील आश्रम पाहिल्यावर येते.

धनगरी उपाय वै वाचुन जामोप्याची आठवण आली.
आणि तरिही अहमदाबादची स्तुती वाचुन जरासा कन्फ्युजलोय.

फोटो छान.. Happy
साबरमतीला गेलं पाहिजे..

बापुजींच हस्ताक्षर बघुन फार बरं वाटलं.
शाळेत असताना माहिती असतं तर फ्लेक्स बनवुन आमच्या वर्गात लावलं असतं.
मास्तर अक्षरावरुन मारायला आले की त्याना तो फ्लेक्सच दाखवला असता...
पडणारे फटके तरी वाचले असते... Happy

बी जे मेडिकल कॉलेज हे आशियातील सर्वात मोठे सरकारी हॉस्पिटल आहे. तरीही ते स्वच्छ आहे. अगदी क्लीन. स्टाफ आणि डॉक्टर्स अगदी डेडिकेटेड आहेत. ( तिथले पगार महाराष्ट्राच्या तुलनेने थोडे कमी आहेत म्हणे. ) सोयी सुविधा, पेशंटशी वागणूक, औषधांची उपलब्धतता... सर्व वाखाणण्याजोगे आहे.

प्रसाद १९७१ ला अनुमोदन.
गुजरात बद्दल जाणुन घ्यायची ईच्छा आहे.