ओल्या मटारचं पिठलं

एका पॅनमध्ये थोड्याश्या तेलावर मटारचे दाणे आणि हिरव्या मिरच्या नीट परतून घ्या. परतलेले मटार आणि मिरच्या ओबडधोबड वाटून घ्या. पिठल्यासाठी तेलाची फोडणी करून त्यात ठेचलेला लसूण किंवा लसणीची पात आणि कांदा परतून घ्या. त्यातच वाटलेले मटार घालून हळद -मीठ दाण्याचं कुट घालून घ्या. हे सगळं नीट परतलं की त्यात पेला-दिड पेला पाणी घालून उकळी आणा. पाण्याला चांगली उकळी आली की त्यात बेसन घालून चांगलं हाटून घ्या. पिठलं रटरटेपर्यंत शिजू द्या. हे पिठलं पळीवाढच जास्त चांगलं लागतं.