निसर्गाच्या गप्पा (भाग ११)

तो शंख भारीच आहे. तो प्राणी आत गेल्यावर फोटो काढला नाही का? आकार केवढा होता त्याचा?
असले काहि जपूनच हाताळायला पाहिजे. >>>> जो - मीच फोटो काढलाय तो - त्याला अज्जिबात हात न लावता -हा प्राणी नीट पाहिलास तर शंखाबाहेरच आहे तो सगळा, मला शंका आहे की तो शंखात जाऊ शकेल. शंख इथे तरी बेस सारखा होता. छोट्या मुलाच्या ओंजळीएवढा असेल - तिथली स्थानिक मंडळी त्याला "खुबा" असे काही म्हणत होती.त्या मंडळींच्या म्हणण्यानुसार तो विषारी नाही - पण मी काही हात लावायचे डेअरिंग केले नाही - अशा अनोळखी प्राण्याची जबरदस्त अ‍ॅलर्जी येऊ शकते हे मला ऐकून माहित आहे. तो प्राणी बहुधा जिवंत नसावा - काहीच हालचाल नव्हती - समुद्रकिनार्‍यावर येऊन पडलेला होता.

शोभा, कुठे गायब होती ? दौरा कि काय ?>>>>>>>>दिनेशदा, आधी कामात होते. दिवाळीची ८ दिवस सुट्टी होती. पण ऊस आंदोलकांमुळे, सांगली सातारा, कोल्हापूर, पंढरपूर, येथे जाणार्‍या सगळ्या एसटी गाड्या बंद होत्या. त्यामुळे, नाईलाजाने ८ दिवस घरातच काढले. माझ्यासारखा भटक्या मुलीला, कधी नव्हे ती ८ दिवस सुट्टी मिळाली, पण स्वारगेटला जाऊन परत यावं लागलं.

तो प्राणी बहुधा जिवंत नसावा - काहीच हालचाल नव्हती - समुद्रकिनार्‍यावर येऊन पडलेला होता.>>>>>>>>>>पण तो परत शंखात गेला ना? केवढा मोठ्ठा आहे ना तो?

तो जीव चुकून किनार्‍यावर आला, तो जिवंत आहे तोपर्यंत भरतीची लाट आली तरच तो पाण्यात जाऊ शकेल, नाहीतर त्याचा अंत अटळ आहे.

काल जागूच्याच एका बीबी वर शेलफिश बद्दल प्रश्न होता. बहुपेशीय जीवांना, खासकरुन ज्यांचा आकार मोठा आहे, त्यांना शरीराला आधार म्हणून एक सांगाडा लागतोच. आपल्यासारख्या पृष्ठवंशीय प्राण्यांना तो शरीराच्या आतून असतो, तर शेलफिशना तो बाहेरून असतो, एवढेच.

( थोडे विषयांतर, जयपूर घराण्याचे गायक असे मानतात के सूर हे रागांचे सांगाडे आहेत, त्यामूळे ते सरगम गात नाहीत. )

तारापोरवाला, अजून असावे. पण जगभरातील पाण्याखालचे जीवन दाखवणारी संग्रहालये, तंत्रात इतकी पुढे गेली आहेत, कि ते आता जूनाट वाटेल.
ज्यांना पाण्याखालचे प्रत्यक्ष बघायचे आहे त्यांच्यासाठी मालवण / गोवा या ठिकाणी चांगल्या सोयी आहेत. ( पण अंग भिजवावेच लागणार. )

शोभा, ऊस आंदोलनाचा असाही परीणाम तर !!

गोव्यात मोठ्या शिंपल्यांना खुबे म्हणतात.. आकारावरुन त्यांचे खुप प्रकार आणि नावे आहेत. पण तिथला खुबा, हा नाही. तिथे खुबा, खातात.
हात लावल्यासही अपाय करेल असा समुद्री जीव म्हणजे जेलीफिश. ( त्याला मात्र शंख वा काटे नसतात ) अगदी लिबलिबीत असतो, पण नूसता स्पर्शही घातक ठरू शकतो.

हात लावल्यासही अपाय करेल असा समुद्री जीव म्हणजे जेलीफिश. ( त्याला मात्र शंख वा काटे नसतात ) अगदी लिबलिबीत असतो, पण नूसता स्पर्शही घातक ठरू शकतो. >>>>> येस्स दिनेशदा - माझा एक मित्र कोकणात ट्रिपला गेला असताना त्याच्या मिसेसच्या पायाला एका जेली फिशचा स्पर्श झाला तेव्हा लगेच अँटीहिस्टामाईनचे इंजेक्शन उपलब्ध होते (जवळच्याच डॉ कडे) म्हणून जीव वाचला तिचा..... प्रचंड अ‍ॅलर्जीक असतात हे जेलीफिश... अगदी जीवघातक....

शशांक, भारीच आहे फोटो आणि माहिती
दिनेशदा, शशांक जेली फिश फारच डेंजर दिसतोय.

हे जेलीफिश, बहुदा पारदर्शक असतात. पाण्यात काय जमिनीवर ( रेतीत ) पण नीट दिसत नाहीत. त्यांना सहज दिसेल असा कुठला, अवयवही नसतो. पण निसर्गाने त्यांना एक स्वसंरक्षणार्थ हत्यार दिलेले आहे.

पण ते बहुदा उष्ण तपमानाच्या पाण्यात जास्त दिसतात. गोवा, मस्कत, दुबई.. इथे उन्हाळ्यात पाण्याचे तपमान खुपच वाढलेले असते, त्या वेळी लाखोच्या संख्येत ते दिसतात.

तो शंखातला किडा कसला भारी दिसतोय! एवढा मोठा किडा कसा काय मावला पण?

तो शंखातला किडा कसला भारी दिसतोय! एवढा मोठा किडा कसा काय मावला पण? - आर्याचा प्रश्न

दिनेशदांचे उत्तर -
काल जागूच्याच एका बीबी वर शेलफिश बद्दल प्रश्न होता. बहुपेशीय जीवांना, खासकरुन ज्यांचा आकार मोठा आहे, त्यांना शरीराला आधार म्हणून एक सांगाडा लागतोच. आपल्यासारख्या पृष्ठवंशीय प्राण्यांना तो शरीराच्या आतून असतो, तर शेलफिशना तो बाहेरून असतो, एवढेच.

एखाद्या लोकरीच्या गुंड्याची लोकर सुटावी तसा दिसत होता तो जीव. बहुतेक सगळ्या धाग्यांना परत स्वतःमध्ये गुंडाळुन ढकलत ढकलत शंखाबाहेर आला असेल, आणी मग तसाच आत गेला असेल.:फिदी:

मी ही तेच लिहीणार आधी की काही समुद्री जीव विषारी असु शकतात, माहीत नसेल तर घातक ठरु शकते.

समुद्रातील एकंदरच सगळे जीव - वनस्पती/ प्राणी सगळेच किती रंगीबेरंगी असतात नाही?

कळीत गुलाबाचे फूल, किंवा कवचात कासव मावते तसेच.. आपल्याला तशी शक्ती असती, तर सीतामाईला, दे माय धरणी ठाय... असे करावे लागले नसते !

आम्ही दिवेआगारच्या समुद्रकिनार्‍यावर शंखातला जो प्राणी पाहिला त्यासंदर्भात -

<<<हे काय आहे? दिवेआगरच्या समुद्र किनार्‍यावर दिसलं. एका शंखात हे होतं. आम्ही ते घेऊन खोलीवर आलो. ज्यांच्याकडे उतरलो होतो त्यांना विचारलं. पण ते सांगू शकले नाहीत. आणि काही वेळाने ते जे काय होतं ना ते चक्क परत त्या शंखात गेलं.. >>>
( हे मत शांकलीचे आहे, माझ्या मतानुसार तो प्राणी त्या शंखात मावणे शक्यच नव्हते - त्याला इतर कुठल्या पक्ष्याने / प्राण्याने पळवले असणार - त्यामुळे नंतर फक्त शंखच दिसत होता - शशांक.)

शशांक, आतले प्राणी शंखात मावेनासे झाले कि दुसर्‍यांचे शंख किंवा रिकामे झालेले शंख जबरदस्तीने ताब्यात घेतात. त्या शंखाची वळणे अशी असतात, कि एखाद्या पक्ष्याला, चोच आत घालून, तो प्राणी मटकावणे शक्य होत नाही. कावळ्यासारखे काही पक्षी, शंख फोडण्याचा, ( दगडावर आपटून ) प्रयत्न करतात. त्यामूळे असे जीव, शक्य तितक्या कमी वेळात, असा शंख बदल करतात.

न्यू झीलंडच्या समुद्रकिनार्‍यावर एक पक्षी दिसतो, खडकाखालचे कृमी मटकावण्यासाठी, त्याची चोच एका बाजूला वळलेली असते. अशी वाकडी चोच असणारा तो एकमेव पक्षी. सर्व पक्ष्यांची चोच, उजव्या बाजूलाच वळलेली असते.

उत्तम अनुवाद ह्या दि. अ. मधे निगप्रेमी मारुती चितमपल्लींनी एका चिनी कथेचा अनुवाद केला आहे. मारुती चितमपल्लींचे नवीन काही वाचले नाही इतक्यात चांदण चकव्या नंतर.

बागेत चितमपल्ली कुठुन आले? त्यांचे साहित्य परीचीत आहे, पण बाफ चुकला का बी?

आणी कुठल्या अनुवादाबद्दल इथे चर्चा चालू आहे?:अओ:

सुदुपार मंडळी !
ही कडुलिंबासारखीच पण थोडी वेगळी असलेली झाडे, याला गावाकडॅ 'लिंबारी' अस म्हणतात,काही 'गर्ड' (कारण माहित नाही) अस म्हणताना ऐकलं आहे,ही झाडे (सरळ आणि उभी) ऊंच वाढतात, पानमळ्यात याच प्रकारच्या कडुलिंबची लागवड केली जाते.

याची दोन झाडे वाढली आहेत्,पण नाव/उपयोग माहित नाही, जाणकरांनी माहिती द्यावी

अनिल पहिला बकाणा निंब दिसतोय.. मी लिहिले होते याच्याबद्दल.
दुसरे नीट ओळखता येत नाही, पण शिवण ( गंभारी ) किंवा कुंकवाच्या झाडाची पाने अशीच असतात, साधारण.

अनिल, कॅमेर्‍याचा फारच उपयोग चाललाय वाटत.

दिनेशदा,
माहितीबद्दल धन्यवाद !

शोभा१२३,
गेल्या २ महिन्यात एकदाच वापरलाय फक्त..खुप फोटो काढायचेत, पण वेळ नाही.

गेल्या २ महिन्यात एकदाच वापरलाय फक्त..खुप फोटो काढायचेत, पण वेळ नाही.>>>>>>>>>>सद्ध्या सांगलीत आहात का?

अनिल, शोभेचे ऐकू नकोस, भरपूर काढ फोटो !
तूमच्याकडे या दिवसात भरपूर भाजी असेल ना, मळ्यात ? इकडे अंगोलात आता शेतीची कामे सुरु झालीत, पण लागवड सगळी टोकण पद्धतीनेच केलेली दिसतेय. आफ्रिकेत कुठेच मी नांगर वापरताना बघितला नाही. इजिप्त, सुदान मधे असेल. तिथे गाढवांचा सुकाळ आहे, त्यानाच जुंपतात.
केनयात गाई गुरे भरपूर, पण तिथेही बैलांना नांगराला जुंपलेले नाही बघितले.

दिनेशदा, तुम्ही आत्ता काढलेले फोटो पहायला मिळत नाही, त्यामुळे फारच हळहळ वाटते.
कधी मिळतील पहायला?

जानेवारीत दुबईला जातोय, तिथे घेईन नवा कॅमेरा ! मग आहेच !

जानेवारीत दुबईला जातोय, तिथे घेईन नवा कॅमेरा ! मग आहेच !>>>>>>>>>>>>व्वा! खुष खबर!

दिनेशदा,
नक्कीच !
गावी गेलो होतो, तुम्ही बोलल्याप्रमाणे हळदीचे २-४ फोटो काढायचे होते, पण घरी काही फोटो काढले आणि बैटरी संपली, जाताना बैगेत दुसराच चुकुन कॉर्ड नेलेला होता,
इकडे दुष्कल्ळ असल्यामुळे कालच पंढरपुरातल्या जनावरे बाजारात हजारो जनावरे कमी किमतीत विकली गेली, हजारो तशीच राहिली, चार्‍याचा खुप गंभीर मोठा प्रष्न आहे, त्यामळे हे घडत आहे

अजून ६/७ महिने जायचेत रे. पाऊस तर जूनशिवाय नाहीच, पडायचा. वाईट वाटतं.

इकडे दुष्कल्ळ असल्यामुळे कालच पंढरपुरातल्या जनावरे बाजारात हजारो जनावरे कमी किमतीत विकली गेली, हजारो तशीच राहिली, चार्‍याचा खुप गंभीर मोठा प्रष्न आहे, त्यामळे हे घडत आहे >>>> अरेरेरे रे रे - चारा छावण्या काढल्या नाहीत का सरकारने अजून ?????

सुप्रभात लोक्स
हल्ली माबोवर जास्त वेळ यायला जमत नाही, पण निगच्या सगळ्या पोष्टी आवर्जुन वाचतोय.