निसर्गाच्या गप्पा (भाग ११)

जिप्सी,
फोटो अप्रतिम !
मला तर ते हरभर्‍यासारखं वाटलं ! > मलापण !

दिनेशदा,
किलीमंजारोची छान माहिती मिळाली.
गिरिश,
द्राक्षांच्या पानांवर वर्षभर (जास्त ४ महिने) ऑषध फवारणी खुप होते, त्यामुळे कदाचित कुणी इकडे माणसे त्याचा उपयोग करत नसतील्,ऑषध फवारणी नसताना याची खुडलेली फांद्या/पाने जनावरांना मात्र खायला दिल्या जातात.

सुदुपार!!!

पुन्हा साप....

आज काही कामनिमित्त घरी आहे. दुपारी दोन वाजता फोन वाजला...."मल्हार आहे का घरी? आमच्या तळमजल्यावर साप शिरला आहे." मल्हारचे उद्योग कॉलनीभर पसरले आहेत. पण तो आत्ता घरी नाही, पाच नंतर येइल. साप चार घरांच्या मधे होता, कुणाच्या घरात शिरला नव्हता. पण सगळी माणसे धीट नसतात.

पुन्हा सव्वा दोन वाजता फोन. त्याच बाईंचा. "आम्ही मारला त्याला. गटारात फेकला." मला फारच वाईट वाटले. त्यांना म्हटले,"मल्हारला सांगू नका. त्याची उगीचच चिड्चिड होते."

फोनवर बोलताना खिडकीतून खाली बघत होते. एक मांजर फ्लॉवर-बेड शेजारच्या कोरड्या गटारात कुणाला तरी खेळवत होते. नीट पाहीले तर बोट्भर जाडीचा फूट्भर लांबीचा काळ्सर साप (?). माझा फोटोग्राफर घरी नाही. मला जमले तसे फोटो काढले. एवढ्यात बेल वाजली. पुन्हा येईपर्यंत मांजर - साप दोन्ही गायब. थोडी वाट पाहिली, पण काही दिसेना. भर उन्हाचे कशाला बाहेर येत असावेत? हे सर्व ईथे सांगितल्याशिवाय राहवेना.

फोटोत साप दिसतच नाही. सांभाळून घ्या.

मांजर सापाला खेळवतेय.. तिला आपण मुंगूस आहोत, असे वाटले असणार, बहुतेक !

अनिल, हे औषध फवारणीचे फारच प्रस्थ आहे ना आपल्याकडे, जैविक आणि रासायनिक, दोन्ही प्रकारच्या असतात ना फवारण्या.

परदेशी द्राक्षाच्या मळ्यांच्या कडेला, हॉप्स च्या पण वेली असतात. त्याला हिरवी फळे लागतात, वाईन करताना, त्या वेली पण द्राक्षांबरोबर घेतात.

आजकाल निसर्गातील, एखाद्या घटनेचा पडसाद जगभर उमटायला लागलाय असे होतेय का ? अमेरिकेतील सँडीच्या प्रभावाने असे थेट नाही म्हणता येत, पण भारतात अवेळी पाऊस पडतोय आणि आमच्याकडे पण.

मी इथे आल्यानंतरचा पहिला पाऊस. इथे सगळीकडे भुसभुशीत वाळूच आहे त्यात पाऊस पडल्याने, सगळीकडे चिखल झालाय. आज ऑफिसला येताना, चालकाला सगळे कौशल्य पणाला लावून, सारथ्य करावे लागले !

दिनेशदा,
खरं आहे, माणुस अनेक प्रकारे वातावरण दुषित करुन चुका करतोय, त्याचा परिणाम या पावसावर होत आहे अस वाटतं, कालच्या भयानक वादळासमोर माणुस किती हतबल आहे, हे पुन्हा दिसुन आलं

आजकाल द्राक्ष बागांवर (बाग रोगामुळे जाईल या भितीने,ऑषध कंपन्यांच्या प्रचारामुळे), तसेच एकुण शेतीमध्ये बेसुमार ऑषध फवारणी चालु आहे,याचा परिणाम म्हणून अनेकांचे (फवारणी करण्यार्‍यांचे) केस अकाली गळणे,पोटाचे आजार होताना दिसत आहेत.बाकी आजुबाजुचे वातावरण देखील नक्कीच दुषित बनत आहे यात शंका नाही

सुदुपार
हे शेतातले आणखी काही फोटो .

अनिल, अस्सल गावठी गुलाब आहे का तो ? आणि औषध फवारणीबद्दल तू सत्यमेव जयते चा भाग बघितला असशीलच ! अजिबात फवारणी न करण्याचा निर्णय, सर्वच शेतकर्‍यांना एकाचवेळी घ्यावा लागेल. नाहीतर जो फवारणार नाही, त्याच्याच मळ्याचे नुकसान होणार...

जागू, तूमचा भू भू नाही का कंट्रोल ठेवत, कबुतरांवर ? का त्याला घाबरत नाहीत, कबुतरं ?

अनिल रूईचा दुसरा फोटो छानच

एक (फु)सल्ला. जेंव्हा तुम्ही फोटो क्लिक करता तेंव्हा ज्याचा फोटो काढायचा आहे त्या ऑब्जेक्टला हायलाईट करा. म्हणजे जोपर्यंत तुम्हाला हवा असलेला ऑब्जेट कॅमेर्‍यात क्लियर दिसत नाही तो पर्यंत हाफ क्लिक करत रहा (लगेच पूर्ण क्लिक करू नका )

उदा.
१. रुईच्या पहिल्या फोटोत फोकस पानांवर झालाय त्यामुळे मुख्य ऑब्जेक्ट (रूईच्या कळ्या) ब्लर झाल्यात. (सेम फॉर प्रचि १, २, ५, ६, ११)
२. रूईच्या दुसर्‍या फोटोत फोकस परफेक्ट फुलांवर झाला आहे आणि पानं ब्लर झाली आहेत.

अजिबात फवारणी न करण्याचा निर्णय, सर्वच शेतकर्‍यांना एकाचवेळी घ्यावा लागेल. नाहीतर जो फवारणार नाही, त्याच्याच मळ्याचे नुकसान होणार...>>>>>> +१

अनिल, मस्त फोटो..

जिप्सी, टीप्स देत रहा अधुन मधुन, अश्याच समजणार्‍या भाषेत

अनिल - शेतातले फोटो पाहून जीव सुखावला अगदी.....

दिनेशदा - किलीमांजारोवर अजून सांगा बरं काही......डिटेलवार...

अनिल७६, ते वरच शेवटच फुल कशाच आहे? नाव काय आहे फुलझाडाच?

अनिल७६, ते वरच शेवटच फुल कशाच आहे? नाव काय आहे फुलझाडाच? >>> बहुतेक लाल पुंगळी - Ipomoea hederifolia

अनिल, अस्सल गावठी गुलाब आहे का तो ?
दिनेशदा,
बहुतेक तोच असेल. हे गुलाबाचे झाड खुप जुने आहे,

जिप्सी,
धन्यवाद !
इतके फोटो प्रथमच काढले,अजुन कैमेरा देखील नीट माहित करुन घ्यायचा आहे.
तुमच्या सुचनांचे मनापासुन स्वागत आहे

<<माऊंट किलिमांजारोवर पण चार भागात एक माहितीपट आहे<<
दिनेशदा माउंट किलिमांजारोवर मस्त माहिती देत आहात. मी आताच उत्सुकतेने त्याचे फोटोज बघितले. अफाट सुंदर आहे.
कुठे बघायला मिळेल हा माहितीपट?

शशांकजी,
धन्यवाद !
बहुतेक लाल पुंगळीच असेल, त्याच नाव काय हे विचारातचं राहुन गेलं..

KiliExplorer - Climbing the last 200 meters of the Kilimanjaro

http://www.youtube.com/watch?v=xUY4-NobAnE

इथे एक थरारक भाग आहे.

GLOBE Webinar from Mt. Kilimanjaro on 1 October 2012

http://www.youtube.com/watch?v=vx0RjFuDNqk

इथे एक आहे.. पण मी म्हणतो दुसराच आहे.

तूम्ही लोकांनी गिरिराज किंवा मामीला काँटॅक्ट केले का ? त्या दोघांकडे कॉपी आहे, कारण मी म्हणतो तो वेगळाच आहे.

०००

जागू, एकदा जर त्याने घाबरवून टाकले तर परत नाही यायची कबुतरं.

अनिल, एका फोटोत गुटी कलम केलेलं दिसतंय.. कशावर (म्हणजे कुठल्या) रोपावर केलंय?

ते द्राक्ष आहे.. आता अनिलला कळून चुकलेय, आपल्याल्या त्याने मळ्यात बोलावले तर आपण त्याला किती प्रश्न विचारुन भंडावून सोडू ते !

शशांक, या किलिमांजारोबद्दल आणखी एक...

एखाद्या डबक्यावर सुकलेली पाने ज्याप्रमाणे तरंगत असतात, त्याप्रमाणे आफ्रिका आणि युरप हे खंड, लाव्हारसावर तरंगत आहेत. या दोन्ही खंडाना जोडणारे जे देश आहेत, म्हणजे तूर्की, ग्रीस आणि इतालि, इथे या दोन्ही प्लेटस एकमेकांना ढकलत एकमेकींना खाली लोटत आहेत. त्यामूळे हा भाग भुकंप प्रवण आहे.

पण या किलिमांजारोचे वजन एवढे आहे कि तो या खंडाला, त्या जागी पेपरवेट प्रमाणे दाबून ठेवतोय.

मला गोनिदांनी सांगितलेली एक कथा आठवली. कथा एका पानाची आणि मातीच्या ढेकळाची. दोघांची असते मैत्री. एकमेकांना जपायचे ते. पाऊस आला कि पान बसायचे ढेकळावर आणि त्याला ढेपाळू द्यायचे नाही, आणि
वारा आला कि, ढेकूळ बसायचे पानावर, आणि पानाला उडून जाऊ द्यायचे नाही.

अनिल, एका फोटोत गुटी कलम केलेलं दिसतंय.. कशावर (म्हणजे कुठल्या) रोपावर केलंय?
शांकली,
बहुतेक शेतकरी 'डॉग्रेज' नावाच्या जंगली जातीच्या रोपांवर हव्या त्या इतर (थॉमसन्,सोन्नाका,तास-ए-गणेश) जातीच्या द्राक्षाच्या वेलीचे कलम केले जाते, कारण डॉग्रेज जातीमध्ये मुळांची वाढ झपाट्याने होते,उत्पादन जास्त येतं.

दिनेशदा,

तुम्ही सगळे बागेत याल, तो दिवस खरच माझ्यासाठी सोनियाचा असेल ...
द्राक्षांच्या वेलींसुद्धा आनंदाने डोलायला लागतील यात शंका नाही ..

वाचतेय सर्व........... टू ईंटरेस्टिंग!!!!!!!!!!
वर्षू, पांचगणीला भरपूर फोटो काढणार ना ?.............. हो तर!!!!!!!!!!!!! दिनेश दा आणी इतर एक्स्पर्ट्स
(मला) अनोळखी असलेल्या झाडांची माहिती विचारून आणी त्यांचे फोटो टाकून भंडावणारे मी
सावधान!!!!
पण हे सर्व चायनाला परत पोचल्यावरच अर्थात..
त्यामुळे नोवे. एन्ड पर्यन्त निर्धास्त राहा..

वर्षू, अशी अनेक फुले आहेत, जी केवळ पाचगणीच्या परिसरातच आढळतात, इतरत्र कुठेही नाहीत !

हा किलिमांजारो प्रकार एकंदरीत जबरीच दिसतोय अगदी.......

अनिल७६, ते शेवटचे फूल कसले आहे. बर्‍याच ठिकाणी दिसतात अशी.

जो_एस - ते शेवटचे फुल - लाल पुंगळी - Ipomoea hederifolia आहे.

शशांक धंन्यवाद, नेहमीच हे फूल दिसते पण नाव माहीत नव्हते.

काही राहिलेले फोटो ...
(घरी किबोर्डवर २-४ किज रजेवर आहेत्,त्यामुळे माबो लॉगईन करता येत नाही, ऑफीसमध्ये लिनक्स -जीआयएम्पी मध्ये फोटो रीसाईझ करायला वेळ लागला)

हे हळदीच पीक..

अनिल, मस्त फोटो,
हळदीच्या पेवाची पण सचित्र माहिती दे इथे, कुणाला फारशी ती प्रक्रिया माहीत नसते.