मायबोली गणेशोत्सव २०११ - निकाल आला!

Submitted by संयोजक on 12 September, 2011 - 11:27

Wig.JPG_.jpeg

होश्शियाऽऽऽर!!!!!

मायबोलीनगरीच्या आजच्या सभेचे कामकाज सुरू होत आहे होऽऽऽऽ

सभापती : चिटणीस, आजचा जाहीरनामा सर्वांसमोर मांडा.

चिटणीस : आजच्या जाहीरनाम्यानुसार, मायबोलीनगरीत ११ दिवस चाललेल्या गणेशोत्सवाची सांगता आणि विविध स्पर्धांच्या निकालांची घोषणा यांचा सभेत प्रामुख्याने अंतर्भाव करण्यात आलेला आहे.

सभापती : चिटणीस, स्पर्धांचे निकाल तयार आहेत काय?

चिटणीस : हो, निकाल तयार आहेत. आपली हरकत नसेल तर ते इथे जाहीर व्हावेत अशी मी विनंती करतो.

एक सभासद : चिटणीस यांच्या विनंतीला मी अनुमोदन देत आहे. धन्यवाद.

सभासद : सर्वांच्या विनंतीचा मान ठेवून आता आपण निकाल जाहीर करूया. चिटणीस, कृपया निकाल जाहीर करा.

चिटणीस :
स्पर्धा क्रमांक १ : प्रवासवर्ण स्पर्धा, मतदानाने निकाल जाहीर होत आहेत.
विजेती प्रवेशिका : बागेश्री

स्पर्धा क्रमांक २ : आमंत्रण लेखन स्पर्धा, मतदानाने निकाल जाहीर होत आहेत.
विजेती प्रवेशिका : कविता नवरे

स्पर्धा क्रमांक ३ : मायबोली शीर्षकगीत स्पर्धा, परीक्षकांनी विजेत्या प्रवेशिकेची निवड केली आहे.
विजेती प्रवेशिका : Ulhas Bhide (उल्हास भिडे)

स्पर्धा क्रमांक ४ : प्रकाशचित्र स्पर्धा, परीक्षकांनी विजेत्या प्रवेशिकांची निवड केली आहे.
विषय - शब्दांवाचून कळले सारे....

विजेती प्रवेशिका : कांदापोहे (प्रवेशिका १३)
विषय आणि व्यक्त होणारी भावना आवडली. कंपोझिशन खूपच मध्यवर्ती झाले आहे. व्यक्तींच्या नजरेच्या दिशेने अधिक मोकळी जागा असती तर हा फोटो अधिक चांगला वाटला असता.

उपविजेती प्रवेशिका : प्रफुल्ल शिंपी (प्रवेशिका १२)
चेहर्‍यावरचे भाव खूप छान टिपले आहेत. कंपोझिशन, रंग आणि contrast अजून चांगले करता आले असते.

विजेत्या प्रवेशिका इथे बघा.

विषय - जादू तेरी नजर....

विजेती प्रवेशिका : रोहित ..एक मावळा (प्रवेशिका १४)
विषयाची अनुरूपता, फोटोसाठी असलेली नजर खूप आवडली. कंपोझिशनही छान झाले आहे.
खास वेगळेपणासाठी या फोटोला विशेष प्राधान्य मिळाले.

उपविजेती प्रवेशिका : पराग (प्रवेशिका ४)
रंग, फोकसिंग, एक्स्पोजर खूप आवडले. कंपोझिशनमध्ये अजून काही क्रिएटिव्हिटी शक्य झाली असती.

विजेत्या प्रवेशिका इथे बघा.

विषय - आकाश तू, आभास तू

विजेती प्रवेशिका : गिरीराज (प्रवेशिका २)
फ्रेमिंग आणि चित्रातला मूड आवडला. चित्र जरा जास्त contrasty झाले आहे. एक्स्पोजर अजून चांगले करता आले असते.

उपविजेती प्रवेशिका : आनंदयात्री (प्रवेशिका १३)
फ्रेमिंग, विषयाची अनुरूपता आवडली. ओव्हर एक्स्पोज झाले आहे. थोडा angle बदलून ते टाळता आले असते.

विजेत्या प्रवेशिका इथे बघा.

स्पर्धा क्रमांक ५, 'कायापालट' ही कलाकुसर स्पर्धा, प्रवेशिकेअभावी रद्द करण्यात आली आहे.

सभापती : एकूण उत्सवात लोकांचा उत्साही सहभाग आणि सहकार्य याबद्द्ल मायबोलीनगरी प्रशासनातर्फे मी सर्वांचे आभार मानीत आहे.
सर्व विजेत्यांचे हार्दिक अभिनंदन!

चिटणीस : अजून एक महत्त्वाची घोषणा बाकी आहे! "शेवटचं वळण" या कार्यक्रमासाठी अपूर्ण कथा दिल्याबद्दल कथा १ च्या लेखिका नंदिनी, व कथा २ चे लेखक बेफ़िकीर यांचे आभार!

********************************************
तर मायबोलीनगरीच्या रहिवाश्यांनो, अशा प्रकारे यंदाचा गणेशोत्सव अतिशय उत्साहात पार पडला आहे. स्पर्धांव्यतिरिक्त सांस्कृतिक कार्यक्रमातही तुम्ही सर्वांनी खूप चांगला सहभाग घेतल्याबद्दल मंडळ आभारी आहे.

विषय: 
Group content visibility: 
Public - accessible to all site users

विजेत्यांचे हार्दिक अभिनंदन.

अहो संयोजक, फोटोग्राफीच्या स्पर्धांमधील अ-विजेत्या प्रवेशिकांसंदर्भात एक विनंती केली होती त्याचं काही झालं का? Happy

@ नीधप,

वेळेअभावी प्रवेशिकांवर टिप्पणी देणे परीक्षकांना शक्य होणार नाही. त्याबद्दल क्षमस्व.

स्पर्धान्च्या सर्व विजेत्यान्चे हार्दीक अभिनन्दन अन सहभागी सर्व स्पर्धकान्चे पेशल अभिनन्दन Happy
सन्योजकान्चे विशेष आभार, वरील "स्टाईल" आवडली!
[एक शन्का .. >>>"शेवटचं वळण" या कार्यक्रमासाठी अपूर्ण कथा दिल्याबद्दल कथा १ च्या लेखिका नंदिनी <<<<< मुद्दामहून अपूर्ण बनवुन दिली होती की ..... (पाशां मोड ऑनः तिच्या अशाच कुठे कुठे पडलेल्यातली निवडुन घेतली? पांशा मोड ऑफ) ? Proud Light 1 ]

मग परीक्षक कोण होते ते सांगाल का आम्ही वैयक्तिकरित्या पिडतो त्यांना.. Proud
(बक्षिसासाठी नाही फोटुग्राफी सुधारण्यासाठी!)

"विजेत्या प्रवेशिका इथे पहाच्या" लिन्कसोबत विजेत्या प्रवेशिकान्चा क्रमाक इथे द्यावा तसेच/किन्वा त्या त्या धाग्यावर त्या प्रवेशिका सर्वात वर उचलुन मान्डाव्यात असे सुचवतो.

विजेत्यांचे हार्दिक अभिनंदन!!
अतिशय सुंदर गणेशोत्सवाच्या आयोजनाबद्दल संयोजकांचे खूप आभार. Happy

सर्व विजेत्यांचे अभिनंदन!

संयोजक मंडळाच्या पाठीवर शाबासकीची थाप Happy

कथा लेखिका अचूक ओळखलेल्यांना एक गिफ्ट (बॉक्सात गुंडाळलेलं) Wink

Pages