दवंडी ३ : मायबोली गणेशोत्सव २०११

********************************************************
राजा : प्रधानजी... प्रधानजी...कुठे उलथले सकाळीच!

प्रधानजी : आलो आलो महाराज, द्या ट्टाळी!!

राजा : प्रधानजी, एकतर उशीरा आलात नि वर टाळ्या कसल्या मागताय!

प्रधानजी : महाराज, अहो काही वर्षांपूर्वी नव्याने वसलेल्या मायबोलीनगरीत आज फेरफटका मारायला गेलो होतो... तिथे यंदाच्या गणेशोत्सवाची जोरदार तयारी चालू आहे म्हणून जरा खूष झालो!

राजा : असं होय! काही बोलू नका बुवा त्या नगरीबद्दल! आम्हाला समजल्या आहेत बातम्या! एकाचढी एक महापंडित रहातात म्हणे तिथे. राज्यात जरा कुठे खुट्टं वाजलं की लगेच हे त्यावर चर्चासत्रं काय घडवून आणतात... एकमेकांच्या नावाने आरोळ्या काय मारतात... छे छे!

प्रधानजी : महाराज, अहो त्या चर्चासत्राला कधी नीट शेवटचं वळण मिळालेलं ऐकलं आहात का पण?

राजा : नाही ऐकलंय प्रधानजी. म्हणूनच म्हटलं ना, रत्नं आहेत तिकडचे नगरवासी म्हणजे! प्रधानजी, एक काम कराच. या वर्षीच्या गणेशोत्सवासाठी आमचं आसन राखून ठेवाच तिथे! बघूया तरी, काय काय अजब नमुने आहेत ते!

********************************************************
टीप : कार्यक्रम आणि स्पर्धांचे विषय आणि नियम बघण्याकरता निळ्या शब्दांवर जाऊन टिचकी मारा.

********************************************************

विसरू नका!
स्पर्धा आणि सांस्कृतिक कार्यक्रमांव्यतिरिक्त, बाप्पाकरता तुम्ही स्वतः गायलेली गाणी, श्लोक, आरत्या, भजनं, रेकॉर्ड केलेल्या कॉलनीतल्या गणेशाच्या आरत्या.... आमच्यापर्यंत जरूर पोहोचवा.

सगळे तुमच्या घरातल्या बाप्पाच्या दर्शनाकरता आतूर आहेत. त्यामुळे घरच्या गणपतीचे फोटो, आरास, नैवेद्यांची प्रकाशचित्रे आणि कृती आम्हाला जरूर पाठवा. आपल्याला काही खास चित्रं पाठवायची असतील, सुलेखन करून पाठवायचे असेल, वेगवेगळ्या अपरिचित गणपतींची ओळख करून द्यायची असेल तर स्वागत आहे.

तुमच्या गावातील, शहरातील, परदेशातील या वर्षीच्या गणपतीबाप्पांचे फोटोही सगळ्यांना बघायला नक्कीच आवडतील.

हे सर्व आम्हाला sanyojak@maayboli.com वर पाठवा.

********************************************************
दवंडी १ : मायबोली गणेशोत्सव २०११

दवंडी २ : मायबोली गणेशोत्सव २०११

आगामी आकर्षण : गणपतीबाप्पांचे आगमन!