पुणं तिथं सगळंच उणं!!

पुर्वीच्या पिढीत माकडं वैचारिक लेख वाचायचे, आता बघा हे माकड, जाहिरातीतली मिनी स्कर्टवाली मॉडेल बघण्यात गुंतलय... कसं होणार आता या पिढीचं???

वैचारिक लेख वाचूनच तर माकड होत नसेल ?

तर असे आहे पुणे....

होतकरू,

तर बर्वेंनी टाळी दिली की नेहमीप्रमाणे "जांभई"

>>> काही झाले हुषार, कर्तुत्ववान, सुसंस्कृत, कलागुणसंपन्न, विनोदी असे लोक पुण्यातच जास्त प्रमाणात पहायला मिळतील. तेव्हढे दुसरीकडे नाहीत!

अहो, सकाळच्या वाचकांच्या पत्रातल्या सूचना वाचूनच अमेरिकेची इतकी प्रगती झालेली आहे. अमेरिका-रशियातले शीतयुध्द, इराक्-इराण युध्द इ. लढाया सकाळमधल्या वाचकांच्या पत्रात दिलेल्या सल्ल्यामुळेच थांबल्या.

काही झाले हुषार, कर्तुत्ववान, सुसंस्कृत, कलागुणसंपन्न, विनोदी असे लोक पुण्यातच जास्त प्रमाणात पहायला मिळतील. तेव्हढे दुसरीकडे नाहीत!
>>>>>>>>>>>>>>:हहगलो:

"सगळंच" शब्दामुळे गोंधळ झालाय, नाहीतर रिक्षावाल्यांवरचा भाग योग्य आहे. पुन्हा बाकी भ्रष्ट लोकप्रतिनिधी निवडून देणे वगैरे सगळीकडेच आहे की. तो भाग पुणे-स्पेसिफिक नाही.

काही झाले हुषार, कर्तुत्ववान, सुसंस्कृत, कलागुणसंपन्न, विनोदी असे लोक पुण्यातच जास्त प्रमाणात पहायला मिळतील. तेव्हढे दुसरीकडे नाहीत!>>>
हे बरोबरच आहे. गणितच करा. म्हणजे पुण्यात आधी असे लोक आहेतच. त्यात इतर गावा/शहरातून वरच्या गुणांनी युक्त असलेले (बरेच) लोकही पुण्यात आले, त्यामुळे साहजिकच संख्या जास्त झाली की

सर्व शहरे सारखीच असतात, फक्त कोणाला तेथील जनतेचे अनुभव चांगले येतात कोणाला वाईट यावरुन गावच वाईट आहे किंवा चांगले आहे हे सांगणे कठीण आहे.

पण पुणे रिक्षावाल्याचा, सिटी बस कंडक्टरचा माझा अनुभव वाईट आहे.

रिक्षावाले:

मुंबई - सरळ सोट रस्ते अधिक असल्याने फसवण्याचा हेतू असूनही फसवणे अवघड! तरीही प्रामाणिक म्हंटलेच पाहिजेत. मात्र रिक्षाचे भाडे खूपच अधिक

कोल्हापूर - अत्यंत सभ्य आणि एक पैसाही जादा न आकारणारे

चेन्नई - येथील रिक्षावाल्यांना सक्तमजूरीची कैद ठोठावली पाहिजे

हैदराबाद - दहा रुपये जास्त द्या असे सरळ सांगतात व ते आपल्याला पटतेही

बॅन्गलोर - इथे काही प्रश्नच येत नाही. तो नेईल तेथे जायचे आणि मागेल ते द्यायचे

कोचीन - फसवणुकीचा प्रयत्न करू पाहतात पण घाबरट असतात

रांची - दहशत! एकदाच घासाघिसीचा प्रयत्न केला, पुन्हा धीर होणार नाही

दिल्ली - हे शहर फक्त लुटण्यासाठी आहे हे सर्वांना मान्य आहेच

धनबाद - टंपूसे क्यों नही जाते हा प्रश्न रिक्षावालाच विचारतो. आपण शेअर रिक्षातून जात नाही यात त्याला आपण घातक माणूस असल्याचा संशय येतो

कलकत्ता - पत्ता नीट सांगीतला नाही तर कुठेही नेतात

राऊरकेला - फसवण्याइतके मोठे गांवच नसल्यामुळे बाळबोध असतात

बिलासपूर व रायपूर - सेम अ‍ॅज राऊरकेला

भिलाई व दुर्ग - रिक्षा नसतातच, शेअर डुक्कर असते

चंदीगढ - फसवू शकणार नाहीत असेच पत्ते असतात या शहरात

रामागुंडम व कोथागुडम - सेम अ‍ॅज राऊरकेला

देवास , इंदौर - फसवत नाहीत

गुजरात - फसवत नाहीत

जयपूर - आपण फसलो हे समजत नाही

हुबळी व विजयवाडा - मुद्दाम पत्याचा घोळ घालून फिरवतात

पुणे - चेन्नईच्या रिक्षेवाल्यांना जर सक्तमजूरीचा कायदा लागू केलाच तर यांच्यासाठी एक स्वतंत्र तुरुंग उभारावा लागेल.

अजून अनेक शहरे राहिली. ज्ञान पाझळण्याची प्रचंड संधी दिल्याबद्दल आभारी आहे.

-'बेफिकीर'!

बाप रे...!!

गुजरात हे शहर आहे हे माहित नव्हते. माहितीबद्दल धन्यवाद!

अहो ज्ञानच पाझळलंय, त्यात कसली इतकी चिकित्सक वृत्ती! हलके घ्या, कमेंट आवडली.

बेफिकीरपंत,

जबरी माहिती. तुम्हाला "भारतातल्या वेगवेगळ्या शहरातले रिक्शावाले आणि ठरलेल्या भाड्याच्या तुलनेत त्यांनी उकळलेले पैसे व त्यांच्या पैसे उकळण्याच्या पध्दती यांचा तदनुषंगिक अभ्यास" या विषयावर "विद्यावाचस्पती" ही पदवी मिळायला हरकत नाही.

(हलकेच घ्या हं. गंमत करतोय.)

मास्तुरे!

रिक्षावाचस्पती!

मला पुण्यातल्या रिक्षेवाल्याच्या प्रामाणिकपणाचा आलेला अनुभव मी मागे इथे लिहीला होता. पण मी खरे लिहितो की उपहासाने हे कुणाला कळत नाही, त्यामुळे लोकान्नी ते मनावर घेतले नाही, उलट मलाच म्हणाले, तुम्हालाच त्याने बनवले असेल.
तसेच लक्ष्मी रोडवरच्या एका फेरीवाल्याच्या प्रामाणिकपणाबद्दलहि मी लिहीले होते, तिथेहि तसेच!

असे कसे लोक? आधीच जगात प्रामाणिकपणा फार थोडा. कधी दिसला तर सिनिकल होऊन त्याची शन्का घेणे बरोबर नाही. जसे वाईट दिसले की ओरडा करता, तसे चान्गले दिसले की आवर्जून सान्गावे.

जगात फक्त वाईटपणाच नाही, चान्गुलपणा पण आहे. सतत भडक टाळक्याने, जो दिसेल त्याच्याशी भान्डायला उठायचे, नावे ठेवायची, अशाने वाईटच अनुभव येतील. पण प्रयत्न करत राहिल्यास, चान्गले अनुभव पण येतील. त्यान्ची सुखद स्मृती बरेच दिवस मनाला आनन्द देईल.

जगातले सगळे लोक नेहेमी तुम्हाला हवे तसे कसे वागतील? त्यान्ना त्या क्षणी जसे बरोबर वाटेल तसे ते वागतील. वाटल्यास तात्पुरते रागवावे, पण वाईट अनुभव विसरून जावे.

मी खरे लिहितो की उपहासाने हे कुणाला कळत नाही >>> छान आहे confidence

पण मी खरे लिहितो की उपहासाने हे कुणाला कळत नाही
>>

झक्की, आताशा तुम्हाला स्वतःला पण कळत नसेल, तुम्ही खर लिहिताय की उपहासाने.

झक्की, आताशा तुम्हाला स्वतःला पण कळत नसेल, तुम्ही खर लिहिताय की उपहासाने.

माझे मला नक्की माहित असते मी कधी, काय, कोणत्या अर्थाने लिहितो. लोक कमळे बघतात की चिखल हे त्यान्चे त्यान्ना माहित.

सारखे लोकान्च्या भीतीने हे लिहू का ते असा विचार केला तर मग कठीण होईल.

झक्की, तुम्ही सगळंच उपहासानेच लिहिताय, हे एकदाचं गृहित धरुन चाललं, की आमचं काम सोपं होतं... डोक्याला ताण येत नाही

म्हणजे चिखल पण असतो तर!

अहो सगळे जण माझ्याबद्दल काय बोलता? पुण्यातले रिक्षावाले हा विषय आहे!
इतरहि पुष्कळ जणान्नी इथे लिहीले आहे की!
डोक्याला ताण येत नाही
येत नाही? ताण म्हणजे काय पाऊस आहे, यायचे तेन्व्हा येतो, आपले काही चालत नाही. आपण नाही घ्यायचा ताण म्हण्टले की नाही येत! पाउस आला तर आपण पावसातून बाजूला होऊन आडोशाला जातो, छत्री घेतो. तसेच ताण येतो वाटले तर दुसरा विचार मनात आणावा!

तर, बोला पुण्यातले रिक्षावाले!

अहो सगळे जण माझ्याबद्दल काय बोलता? पुण्यातले रिक्षावाले हा विषय आहे!>>> तुम्हा दोघांचे तादात्मीकरण झालेय बहुतेक!!!!

अहो सगळे जण माझ्याबद्दल काय बोलता? पुण्यातले रिक्षावाले हा विषय आहे!
इतरहि पुष्कळ जणान्नी इथे लिहीले आहे की!<< आपकी बात ही ऐसी है झक्की जी! तुमचा प्रतिसाद (की प्रतिक्रिया)
एकदा का इथे कुणी पाहिला की मूळ विषय बाजूलच राहतो हो ..रच्याकने झक्कापक्की वरुन झक्की हे नाव आलं की झक्की वरून झक्कापक्की हे कळेनासं झालंय आता ...

मुद्दा सोडून भलतेसलते लिहीले की तशीच वेळ आपल्यावरही येते.

असो, पुण्यातले रिक्षेवाले आणि त्यामुळे फक्त पुण्यात सगळेच उणे असणे याचा सुतराम संबंध लावून दाखवला तर मी पुढचे तीन दिवस व दोन रात्री काहीही भंकस कथा, कादंबरी, कविता, गझल, सुखनवर, परिचय असे लिहिणार नाही.

>>> लोक कमळे बघतात की चिखल हे त्यान्चे त्यान्ना माहित.

अहो झक्की, एकवेळ चिखल बघा पण कमळ कधीही बघू नका. सर्वधर्मसमभावी उगाच तुम्हाला भाजपवाले (म्हणजेच संघवाले किंवा जातीयवादी) समजायचे.

ताण म्हणजे काय पाऊस आहे, यायचे तेव्हा येतो, आपले काही चालत नाही. >>>
अहो तो कंटाळा 'येतो' ना, तसा हा ताण 'येत' असेल. आता नाही का, तुम्ही कुठेतरी काहीतरी खरडलंत की अर्ध्या मायबोलीला ताण आणि उरलेल्या अर्ध्या मायबोलीला कंटाळा 'येत' असेल. आता कंटाळा असो, की ताण; तो अंगावर चाल करून येतो, तर कसा काय बुवा ठरवायचं की ताण किंवा कंटाळा 'घ्यायचा' नाही? मुळात तुम्हीच स्वतः म्हणता, की मी (म्हणजे तुम्ही) उथळ पांचट लिहितो. वरून हेही म्हणता, की मला (म्हणजे तुम्हाला) कशातलेच काहीच कळत नाही. समजतच नाही- मी (म्हणजे तुम्ही) काय नि कुठे लिहितो ते, त्यामुळे त्याकडे लक्षच देऊ नका. माझ्या (म्हणजे तुमच्या) पोस्ट्स डिलीट करा, म्हणजे मायबोली अडचणीत येणार नाही. सदस्यत्व रद्द करा. आता म्हणताय की मी (म्हणजे तुम्ही) खरे लिहितो की उपहासाने- ते लोकांनाच कळत नाही. (आता हा पुण्याबद्दलचा बाफ आहे. त्यामुळे पुण्याबद्दल सोडून इतर सारे इथे बोलायला हवे मायबोलीच्या नियमाप्रमाणे. पण नियम मोडून सांगूनच टाकतो, की आयुष्यात जेवढी अक्कल मिळाली, ती फक्त पुण्यातच- असंही तुम्ही म्हणला होतात.)

आता तुमचा लांडगा येणार येणार म्हणताना तो हजारो वर्षे 'येतच' नाही. पण लांडगा येत नाही म्हणून काय झालं? ताण तर 'येतोच' ना?

सक्काळपासून हासतोय तुमच्या कमेंट्सना! (तुमच्याच ना? नाहीतर हा वेगळाच आय डी असायचा)

मि पुन्यात राहतो. विस्रान्तवाडि यिथे. यिथे सग्ले मिलते. उने काहिच नाहि.