महागाई

Submitted by चाऊ on 27 December, 2010 - 10:16

सिनेमाची तिकिटे चढत्या भावानीही संपतात
रस्त्यावर सोनारांची दुकानं रोजच वाढतात
हॉटेलात सुटीला जेवा-खायला जागा नाही
तरीही म्हणायचं, काय ही महागाई !

कांदा झाला शंभर तरी खायचा सोडणार नाही
शाळेची फ़ी लाखभर, मग काय झालं भाई?
वर पैसे खर्चून क्लासला घालायची घाई
तरीही म्हणायचं, काय ही महागाई !

मॉल, उघडून तोंड म्हणतो एक नको चार घ्या
शेजार्‍याचं घर कसं, त्याहुन छान घ्या
तीन वर्ष झाली फ़र्नीचरला, तसाच कसा राहू?
तरीही म्हणायचं, काय ही महागाई !

गरज असो वा नसो, गाडी घेतलीच पाहीजे
लागला सेल, गेलं, साडी घेतलीच पाहीजे
सुट नाही, निदान चांगला कुडता तरी घेई
तरीही म्हणायचं, काय ही महागाई !

पुर्वी, लग्न-समारंभालाच घर रंगवल जायचं
दोन जोडी कपड्यात, वर्ष सहज कटायचं
आता, कपाटं कमी पडतात, कपडे कुठे ठेवायचे बाई!
तरीही म्हणायचं, काय ही महागाई !

गुलमोहर: 
शब्दखुणा: 

मस्त