चिकनचे लहान तुकडे करून त्याला हळद तिखट मीठ आले-लसूण पेस्ट व एक चमचा दगडू तेली मसाला लावून ठेवावा.
एक कांदा बारीक चिरून थोड्या तेलात परतून घ्यावा. कांदा ब्राउन झाला की त्यातच ओले खोबरे परतुन घ्यावे. मग सुके खोबरे घालून परतून घ्यावे.
गार झाल्यावर कांदा खोबरे बारिक वाटून घ्यावे.

उरलेले कांदे बारीक चिरून तेलात परतून घ्यावेत. कांदा पारदर्शक झाला की चिकन व हिरव्या मिरच्या घालून परतावे व मंद आचेवर शिजू द्यावे. शिजत आले की त्यावर कांदा खोबरे वाटण व उरलेला मसाला घालावा. शेवटी बारिक चिरलेली कोथिंबीर घालावी.

भाकरी ,पाव याबरोबर अगदी मस्त लागते.