मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by प्रीति on 26 September, 2014 - 14:33
प्रत्यक्षात लागणारा वेळ:
४० मिनिटे
लागणारे जिन्नस:
२ वाट्या बासमती तांदुळ
२ मध्यम साईझच्या झुकिनी
५-६ लसणाच्या पाकळ्या सोलुन, बारीक तुकडे करुन
२-३ हि.मिरच्या
मीठ, हळद
४-५ वाट्या व्हेजी स्टॉक किंवा पाणी
क्रमवार पाककृती:
तांदुळ धुऊन त्यात खिसलेली झुकिनी १५-२० मि. मिसळुन ठेवावी. एका भांड्यांत तेल तापऊन लसुण टाकावा. लसुण ब्राऊन झाल्यावर त्यावर हळद आणि तांदुळ चांगले परतुन घ्यावे. मीठ घालुन मिक्स करावे. २-३ वाट्या व्हेजी स्टॉक घालुन मंद गॅसवर भांडे झाकुन, तांदुळ शिजत ठेवावे. एका वेळी खुप स्टॉक न घालता थोडा थोडा घालावा. हा भात जरा कमी शिजलेला छान लागतो आणि बुडाला लागलेला मस्त. शिजल्यावर ५-१० मि वाफ मुरल्यावर, गरम गरम तुप घालुन पापडा सोबत खावा.
वाढणी/प्रमाण:
४ जणं
अधिक टिपा:
झुकिनी एवजी दुधी पण छान लागतो. मिरची एवजी लाल तिखट पण मस्तच लागतं.
माहितीचा स्रोत:
आईच्या भोपळ्याच्या भातवरुन सुचलेले
आहार:
पाककृती प्रकार:
शब्दखुणा:
Groups audience:
Group content visibility:
Public - accessible to all site users
शेअर करा
छान रेसिपि वाटते...मस्त
छान रेसिपि वाटते...मस्त
छान.. आमच्याकडच्या झुकिनी
छान.. आमच्याकडच्या झुकिनी मागच्यावेळी कडवट निघाल्या होत्या. आता मिळाल्या तर करून बघतो.
असा भात दोडक्या / शिराळ्याचा पण चांगला लागतो. तो भात या भाजीला सुटलेल्या पाण्यातच शिजतो. लागलेच तर वरून ताक घालायचे शिजताना.
असा भात दोडक्या / शिराळ्याचा
असा भात दोडक्या / शिराळ्याचा पण चांगला लागतो>> असा भात कडव्या वालांचा पण मस्त लागतो, पण पाणी वरून थोडे थोडे घालावे लागते.
फारच चवीष्ट प्रकार!!
नवरात्रात टाकल्याबद्दल हार्दिक निषेध!