पाककृती हवी आहे. माहिती आहे का? -२

धन्यवाद जागूताई आणि दिनेशदा.
आता नक्की करून पाहिन.

धन्यवाद जागूताई आणि दिनेशदा.
आता नक्की करून पाहिन.

केळीच्या दांड्यातला कोवळा पांढरा भाग असतो ना तो भाजी मार्केटात पाह्यला आज. त्याचं काय करतात काही माहितीये का? भाजी किंवा काप करतात असं कुणीतरी सांगत होतं.
काय प्रकारची चव असते? कशी करतात?

सौथिंडीयन लोक सांबार मध्ये वापरतात तो. आणि भाजीही करतात. जराशी कडूसर तुरट चव असते त्याची असं माझी बंगलोर ची केरळी मैत्रीण सांगत होती.

बंगलोरची केरळी मैत्रिण <<<
तू खाल्लंयस का ते प्रकरण? कडूसर तुरट चव असेल तर प्रयोग करायला नको कुणीतरी शुअरशॉट सांगितल्याशिवाय.

>> कडूसर तुरट चव असेल तर प्रयोग करायला नको कुणीतरी शुअरशॉट सांगितल्याशिवाय.

तशी चव असेल तर मसाल्यांचा मारा करकरून मारून टाकायची ती चव ..

मुगाची डाळ भिजवायची, हा केळीचा गाभा बारीक चिरायचा - कोकणीत कोच्चोल म्हणतात - काकडी कोचवतात तसाच. हिरवी मिरची + चिमूटभर कच्चा हिंग ठेचून मिसळायचा. मीठ, लिंबाचा रस घालून कालवायचे.
गाभ्याची पचडी तयार. हिंग मोहरी घालून फोडणी ऐच्छिक. मिरपूड पण घालतात काही लोक.

सशल
अरे मस्त. उद्याच आणते. शनिवारी करेन. कशी झाली ते सांगेनच. थँक्स मेधा.

छास मसाला घरी कसा बनवुन ठेवता येइल.?

नीधप, सेल्व्हीला विचारून सांगते तुला त्या केळीची मद्रासी रेसिपी. ती बर्‍याचदा करते ही भाजी. सशल म्हणाली तसं मसाले घातल्याने कडूसर चव मलातरी कधी लागली नाही.

मी अजून ती वस्तू आणली नाहीये. मार्केटात जायलाच परत वेळ झाला नाही

आंबोळ्यांचे पिठ कसे करून ठेवायचे?

हसरी, असा तयार मसाला करुन ठेवण्यापेक्षा, आयत्यावेळी केलेली जिरेपूड + हिंग + सैंधव वापरले तरी चालेल.
त्यात मग ताजा आल्याचा रस, कोथिंबीर, साखर हे जिन्नस टाकायचे. पुदीना मिळाला तर फारच छान.

जागुताई, आमच्या घराच्या समोर ओन्ली कोकण नावाचे खास कोकणी पदार्थ विकणारे दुकान आहे,
ओले काजू, काळे वाटाणे हातसडीचा तांदूळ. इत्यादि त्यांच्यात आंबोळीचे पीठ, रेडी मिळते. एक पुडा पाठवू का? इतर पण खूप मस्त मस्त पदार्थ आहेत.

अमेरीकन चॉपसुई कसे करायचे?

पावभाजी मसाला कोणत्या ब्रँडचा घ्यावा. मी नेहमी Everst चा घेते. आणखी कोणता ट्राय केला आहे का?

बिल्वाचा पावभाजीचा धागा आहे त्यावर बरेच पर्याय मिळतील. मी स्वतः बादशहा ब्रँडचा पावभाजी मसाला वापरते.

मी माबो होते पन फक्त वाचनाकरिता. आज प्रथमच प्रतिक्रिया टाकत आहे. एक प्रश्न विचारय्चा आहे .. इकद्दे (उत्तरेला) खवा / मावा मिलत नाहि ना.. मिल्क पावदर चे गुलाब जाम खावुन जाम कन्ताला आला आहे ...

अ‍ॅश, गिट्स, चितळे अशा मिक्सचे खाऊन कंटाळा आलाय असं म्हणताय का?

जागू आंबोळ्यांचे पिठ कसे करून ठेवायचे?>>>>>>>>>>>>>>>>>
आंबोळ्यांचे पीठ -- १ किलो जाडे तांदूळ + पाव किलो उडिद डाळ + पाव किलो चणाडाळ, स्वछ धुवून चांगले खडखडीत वाळवावे, त्यात १०० ग्राम मेथी दाणे घालून एकत्र दळूण आणावे.
आंबोळ्या करायच्या आधी ५-६ तास पीठ भिजवून ठेवावे, करताना त्यात थोडे ताक, मीठ, जीरेपूड, लसूण, कोथिंबीर घालवी, पीठ पातळसरचं भिजवावे.

ash11, उत्तरेत म्हणजे उत्तर भारतात असेल तर कोणत्याही डेअरीमध्ये खवा /मावा मिळेल. पण क्वालिटीची खात्री नाही देता येणार. पनीर वैगरे ज्या डेअरी मधून घेत असाल, त्या खात्रीच्या डेअरीमध्ये बघा.
उत्तरेत कुठे रहाता तुम्ही?

जुन्या मायबोलीवर आंबोळ्यांसाठी हे प्रमाण लिहिले आहे (कोणी ते आठवत नाहीये शोधायला हवं.) - दहा वाट्या तांदूळ (उकडा, हातसडीचा, कोलम इत्यादी कुठलाही आपल्या आवडीप्रमाणे), प्रत्येकी एक वाटी मुगाची डाळ, उडदाची डाळ, तुरीची डाळ, मसुराची डाळ आणि चण्याची डाळ. डाळी आणि तांदूळ स्वच्छ धुवून टाकून खणखणीत कोरडे करायचे आणि दळून आणून ठेवायचे. थंडीचा मोसम असेल तर त्यात एक वाटी मेथ्या कोरड्या भाजून घालायच्या. गेली तीन-चार वर्ष मी याच प्रमाणात आंबोळी पीठ करून ठेवतेय. मस्त आंबोळ्या होतात. झाकण ठेवावे लागत नाही. छान चुरचुरीत होतात आणि पटापट उरपतल्याही जातात. तव्याला अजिबात चिकटत नाहीत. पीठ आयत्यावेळी पाण्यात भिजवून केल्या तरीही सुरेख आंबोळ्या होतात.

जागू सोनचाफा यानी एप्रिल २००८ ला जुन्या मायबोलीवर लिहीलेले प्रमाण प्रत्येकी एक वाटी चणा डाळ्,उडीद डाळ,मूग डाळ्,तूर डाळ.त्याच वाटीने १० वाटया तान्दूळ,१/२ ते ३/४ वाटी मेथ्या व धणे एकत्र दळणे.
दुसरा प्रकार
२ किलो जाड,जुने तान्दुळ्,प्रत्येकी १ सपाट फुलपात्र गहू व चणा डाळ,१/२ फुलपात्र उडीद डाळ,१ वाटी मेथ्या. तान्दूळ धुवून सावलीत वाळ्वून त्यात बाकीचे सर्व पदार्थ घालून जाडसर दळून आणावे.वयस्कर व्यक्ती किवा बाळन्तीणीस द्यायचे असल्यास चणा डाळी ऐवजी मुग डाळ वापरावी.पिठात मिठ्,साखर्,दुध घालून गोड आम्बोळीही छान लागतात.

करून नक्की कळवा!

सापडली ती पोस्ट - सोनचाफाची आहे.

आणि मी वरच्या पोस्टीत पाच वाट्या तांदूळ लिहिलेत पण ते १० वाट्या तांदूळ आहेत. वरची पोस्ट बदलते.

मंजूडी 'उरपतणे' हा आमच्या आज्जीचा खास शब्द तू लिहिलेला वाचून खूप नॉस्टाल्जिक झालं.
तुला माझ्याकडून आज दोन गावं इनाम!

सायो, अल्पना , धन्यवाद .. पन मी प्रश्न व्यवस्थित नाही विचारला .. उत्तरेत म्ह्नजे मी उत्तर अमेरिका मध्ये विचारत आहे.. भारतात तर खवा छान मिलायचा ... इथे खवा नाहि का मिलत?

उत्तर अमेरिकेत नानक ब्रँडचा खवा मिळतो आणि चांगलाही असतो. तुमच्याकडे मिळतोय का बघा.

ash11, मिल्क पावडरचे म्हणजे असे करता का? (कृतीत काही फरक असेल तर कदाचित बदल/सुधारणा करून बघता येईल म्हणून लिंक दिली आहे.)

उत्तर अमेरिकेत कुठे असता? भारतीय वाणसामानाची दुकानं आहेत का जवळपास? सायोने सांगितल्यानुसार तिथे नानक ब्रँडचा खवा मिळेल. दीप ब्रँडची मावा पावडरही मिळते. खटाटोप करायचा नसेल तर हल्दीरामचे वगैरे टिनमधले गुलांबजांब मिळतील.

सायो , स्वाति धन्स .. मी बघते ग्रोसरी स्टोअर मध्ये ..