ट्राउट धुऊन, कोरडे करून त्याला आतून बाहेरुन हळद-तिखट-मालवणी मसाला-आमचूर-मीठ-थोडा लिंबाचा रस लावून मुरु द्यावे. फ्रीजमधे १०-१२ तास, किंवा बाहेर तासभर. ट्राउटला बाहेरुन तिरक्या, एकास एक पॅरलल अशा २-३ चिरा द्यावात दोन्ही साइडनी. त्यात सुद्धा हा मसाला नीट लागायला हवा.

ओव्हन ३५० ला गरम करायला लावावे. वाटणात मीठ व लिंबाचा रस घालून सारखे करून घ्यावे.
ट्राउटमधे वाटण भरून दोर्‍याने गुंडाळावे. नीट गच्च भरले गेले पाहिजे.
बेकिंग ट्रे मधे तळाला थोडे तेल पसरून घ्यावे. त्यावर ट्राउट ठेवून फॉइलने गच्च झाकावे. व ३५० वर २०-२५ मिनिटे बेक करावे. पाहिजे असल्यास शेवटची २-३ मिनिटे फॉइल काढून ब्रॉइल करु शकता.

दोरा कापून, लिंबाच्या चकत्या व बारीक चिरलेली कोथिंबीर घालून सजवावे.