बेसन व कणीकेचे चुर्मा लाडू

१)कणीक व बेसन मिक्स करून त्यात दूध घालयचे कोमट करून. ४ लहान चमचे तूप्(उरलेले नंतर लागेलच). थोडा वेळ ठेवून द्यायचे.
२) मळून घ्यायचे मस्त. मग पातळ चपाती बनवून भाजून घ्यायच्या.(काळी होवु देवु नये. तळणी कॅन्सल करायला हे केले).
३) ह्या चपात्या मिक्सीत वाटून घ्यायच्या.वेलची व केसर टाकून.
४) आता साखरेचा पाक बनवायचा. १ वाटी साखरेला मी १ वाटी पाणी टाकून दोन तारी पाक केला. पा़ जसा दोन तार सुटायला लागली मी मिश्रण मिक्स करून ठेवले. मग कोमट असताना लाडू बांधले.
५) पाक वगैरे करून डोके खराब करायचे नसेल तर सरळ थोडेसे तूप गरम करून टाकून मळून, बारीक पिठीसाखर टाकून वळा. जरा जोर द्यावा लागतो, मसल पण छान होतील ह्या प्रकाराने. पण पाक खराब झाला म्हणून मा. का. चु. बीबीवर धाव नको.
६) डायबीटीस लोकांसाठी स्प्लेडा नाहीतर आयडियल साखरेचे प्रमाणः
१/४ पेक्षा किंचित कमी स्प्लेन्डा मुसती मिक्स करून मळून लाडू बांधणे. तर आयडियल शुगर १/४ घेवून नुसती मिक्स करून लाडू बांधणे. माझ्या मते आयडीयल शुगर जरा स्पेल्न्डा पेक्षा बरी आहे(mark the words, बरी आहे म्हणून). खरे तर स्प्लेन्डा वर बरेच रिसर्च एवढे सपोर्ट करत नाही.
त्यापेक्षा स्टीवीया(natural plant sugar) चांगली आहे. पण स्टीविया एकदम घशात वेगळी टेस्ट सोडते. असो.