बिनधास्त

बॉसने दिलेला fax पाहून सायलीला थोडेसे आश्चर्यच वाटले. Fax चा पत्ता स्वित्झर्लंडचा होता आणि त्यावर फक्त एकच लाईन लिहिलेली होती. "Sorry I could not keep the appointment on 26 October ". तारीख होती २७ ऑक्टोबर, २००६ आणि पत्ता होता मिल्टन जोन्स, स्वित्झर्लंड. म्हणजे? बॉस मिल्टन जोन्सला भेटायला झुरीचला गेला आणि त्याला न भेटताच परत आला? हे कस शक्य आहे? पण बॉसला त्याबद्दल विचारणा करायची तिची हिम्मत झाली नाही. ते काहीही असो, एक गोष्ट तिच्या नजरेतून सुटली नाही - स्वित्झर्लंडला जायच्या आधीपासून बॉस चांगलाच अस्वस्थ होता आणि तिथून आल्यावरही. सायलीला हि गोष्ट कधिएकदा संजयला सांगीन असे झाले होते.