आयडॉल

आमचा आबा,
आयुष्याच्या रिएलिटी शो मध्ये आला
तेव्हा घेतली नव्हती त्याची दखल कुणी.
नांगरावरच्या त्याच्या घोगर्‍या गाण्याला
कधीच दिली नव्हती कुणीही खच्चून दाद…
त्याच्या रांगड्या गावरान स्टाईलचं
तसं नव्हतंच कुणालाही लटकं कौतुक,
आणि त्याचा तिखट शिवराळ भाषेबद्दल
कुठल्याच परिक्षकांत झाले नव्हते वाद…

वांझोटी जमीन, पावसाच्या नाना कळा,
बबडीचं लगीन आन बारक्याची शाळा,
म्हातारीचा दमा, लाईटीच्या येळा…
कोरडी ठाक विहिर आन कर्जाच्या झळा..
नियतीच्या प्रत्येक कठीण फेरीला
तो झुंजतच राहीला आरपार.
पडत राहीला, उठत राहीला
तरी लढत राहीला झेलत मार.
पण आपल्या जखमांचं भांडवल करून