हिवराळे

===कसं गावं?===

'' जो तो पिकवितो असत्याचे मळे;
भासवून डोळे सत्यप्रिय.

अनीति, अन्याय रक्तामध्ये ज्याच्या;
हातांमध्ये त्याच्या विश्वचेंडू.

असत्याच्या हाती अनीतिचा हात;
काजळली वात समतेची.

असत्येश्वराचे वाढले पुजारी;
सत्याचे कैवारी दुर्मिळले.

कसं गावं गीत अमर सत्याचं;
वारं असत्याचं वाहताहे.

सत्याचा खराटा द्या हो जोतिराव;
असत्याचं गाव झाडावया...! ''

- मिलिंद देविदास हिवराळे
मो. ९४२३६०१३२०

'' विझवू नकोस
अस्तित्वाचा दिवा;
ती नव्हेच दवा
मुक्ततेची!

सभोवती उभे
वासनांध पशू;
म्रूगजळी अश्रू
गाळताना!

गांधारी, सावित्री
द्रौपदी नि सीता;
नकोस गं आता
पुन्हा होऊ!

कुठवर बाई
भिंतींत दडत;
चुलीत जळत
राहशील?

फाडून बुरखा
विद्रोही सुरुंग;
क्रांतीचे पराग
पेर आता...! ''

- मिलिंद हिवराळे
मो. ९४२३६०१३२०