सुधारित.

वाघाची मावशी......

वाघाची मावशी मनीमाऊ छान
सिप स्पिप करताच टवकारी कान

शांपूबिंपू काही नको, तरी किती स्वच्छ
चाटून चाटून स्वतःला ठेवते अगदी लख्ख

म्याँव म्याँव करत घोटाळते पायात
लाड करुन घेते मावशी ही अचाट

टॉमी समोर येताच गुरकते केवढी
केस फुलवून म्हणते मी तर तुझ्याएवढी.......

(संस्कारीत) वाघाची मावशी - दादाश्रींकडून

वाघाची मावशी मनीमाऊ छोटीशी
सिप सिप करताच उडी मारी इवलीशी

भाग्ययोग - टिटवी व तिची पिले

मागच्या वर्षीच्या एप्रिल-मे महिन्यात सासवडजवळ रहाणारा माझा मित्र दिनेश पवार याने बातमी दिली की त्याच्या शेताजवळ एका टिटवी दांपत्याने दरवर्षीप्रमाणे ४ अंडी घातली आहेत.

मी चक्रावलोच. कारण माझ्या घरासमोरील पाचगाव टेकडीवर मी कितीतरी वेळा या टिटवीच्या अंड्याचा शोध घेतला होता - पण एकदाही मला त्या जमिनीवर अंडी घालणार्‍या पक्ष्याची अंडी निरखता आली नाहीत.