टोपलीत चविष्ट दिसला

किरण.... यांची माफ़ी मागुन. (दिवे घ्या)

टोपलीत चविष्ट दिसला, चिंबोर खेकडा होता
पहाताच मज आवडला, पण खिसा तोकडा होता....

खंत ना त्याची त्याला बांधील नाहीच कुणाचा
त्यालाच घेऊन होईल बाजार शेजा-याचा
कोळणीचा गर्जला सूर, ’झे..झे..ने दाटला उर *
रश्याला चविष्ठ छान, काहीतरीच सांगे दाम
नकळत पडली भूल आणि खेकडा फ़क्कड होता
पहाताच मज आवडला, पण खिसा तोकडा होता....

चवदार बिचारा सौदा पण पटता पटता हुकला
आवंढा दाटलेला मी अबोल होऊन गिळला
मी सुटलो आहे तोंडी सांगत हे पाणी मजला
पण महाग होता इतका घेण्याचा विचार थिजला
तो हालत होता तेंव्हा नांगीत वाकडा होता