कोकणी महोत्सव....

निसर्गसंपत्तीने नटलेलं कोकण म्हणजे महाराष्ट्राचं नंदनवनच.
हिरवा शालु पांघरलेला कोकण अन स्वच्छ- सुंदर समुदकिनारे, जलदुर्ग, पवित्र धार्मिक भक्तीस्थाने, खाड्या, नारळी-पोफळी तसंच आंबा-काजूच्या बागा, वेगाने वाहणा-या नद्या हे सारं काही आपल्याला नेहमी आकर्षित करते.फक्त एव्हढच नाही तर कोकणातील संस्कृती,लोककला,खाद्यसंस्कृती,आपल्या पराक्रमाने जगावर प्रभाव टाकणारी कोकणरत्ने याचा आपल्याला सार्थ अभिमान आहे.अशा या कोकणची ओळख जागतिक स्तरावर होण्यासाठी नुकताच २४ फेब्रुवारी ते २७ फेब्रुवारी २०११ रोजी मुंबईत कोकण महोत्सव पार पडला.