तेंव्हा आणि आता

माझ्या कविता-४: तेंव्हा आणि आता

Submitted by डॉ अशोक on 20 December, 2010 - 03:25

तेंव्हा आणि आता

तेंव्हा होती तमन्ना, सर्फरोशीची
आणि होती इच्छा, शत्रूच्या बाहूतली ताकद आजमावण्याची
आज आहे इच्छा, दोस्तांच्या विश्वासघाताची
आणि जागतेय तमन्ना, गृह युद्धाची!

तेंव्हा गायलं स्तोत्र,
अधमांच्या रक्तानं रंगलेल्या
सृजनानी पूजलेल्या , स्वतंत्रतेचं
आज आहे स्वातंत्र्य, अधमांना
सृजनांच्या रक्तानं रंगण्याचं !

तेंव्हा पाहिलं स्वप्न
रात्रीच्या गर्भातल्या उष:कालाचं
आज आहे सावट
उष:कालीच आलेल्या
काळरात्रीचं !

-अशोक

गुलमोहर: 
Subscribe to RSS - तेंव्हा आणि आता