मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
सुरक्षामंत्र
Submitted by Asu on 26 February, 2021 - 03:22
सुरक्षामंत्र
ऐक मानवा सांगतो मंत्र
जगण्याचे हे नवीन तंत्र
जीव सलामत, स्वप्न हजार
ठेव ध्यानी न होता बेजार
सत्य बोलणे टाकून द्यावे
गोड बोलणे तोंडी बाणावे
स्पष्ट बोलणे, उगाच ताण
मुखी त्यापरीस कुलूप छान
समाज माध्यमी लढू नये
उगाच भानगडीत पडू नये
रोष कुणाचा कधी घेऊ नये
अरिष्टां आमंत्रण देऊ नये
मुख कान डोळे बंद करावे
सरळ रस्ता कापित जावे
आपली मते आपल्यापाशी
बोलाल तर अद्दल खाशी!
शब्दखुणा:
