संवाद सूत्र
Submitted by पाचपाटील on 5 September, 2020 - 18:15
"काय रे? काय चाललंय?"
- - अरे वा वा.. अगदी वेळेवर आलास.. हे बघ.
"काय्ये हे??"
- - हे जग हलवून टाकणारं, अद्भूत आणि कालातीत असं
लिखाण केलेलं आहे मी.. तूच माझा पहिला वाचक.
"आई ग्ग.."
- - वाच वाच... आता कळेल त्यांना मी काय चीज आहे ते..! अर्थात हे गंभीर आणि अभिजात लिखाण
तुला झेपणार नाही... पण सावकाश वाच... मग समजेल.
"काय्ये हे..! नुसता शेणसडा चिवडलाय आणि जोडीला
हंबरडे न् हुंदके..!"
- - अरे वेड्याss... ह्या माझ्या तिच्याबद्दलच्या तरल भावना आहेत.. आणि हे सगळं शब्दांत पकडताना माझा आत्मा पार सोलवटून निघालाय रे ss..
शब्दखुणा: