जुई

दारातल्या जुई चा बहर फुलला होता
ते पाहून भिंतीवरला मोगरा खुलला होता
तेवढ्यात येणाऱ्या वार्याचा वापर करीत खुबीने
मोगर्याने होती ती दोनच फुले हलकीच मोकळी केली
आणि वार्यानेही इमानी मित्राप्रमाणे
ती फुले जुईच्या वेलाच्या पायाशी नेऊन टाकली
खट्याळ वाराही आणि थोडा वेगवान झाला
अन् तीच हवा भरून मोगरा ही डोलू लागला
जणू न्याहाळत होता जुईला आपादमस्तक
त्याने तिच्या पायी वाहिलेल्या फुलांसहीत
भिनणारा वारा जुईला ही होता जाणवत
डोलू पाहत होती ती व्दिधा मनस्थितीत जणू
जमिनीत घट्ट मुळे अन् वर शेंडा गजाला बांधल्याने