आषाढाची वारी २०२०

आगळ्या वेगळ्या प्रावासाची माझी आवड मायबोली च्या वाचकांना आता थोडीफार माहीत आहे. पण तसेही ट्रीप म्हटल्यावर सर्वांना उत्सुकता वाटतेच. प्रत्येकाची प्रवासाची आवड निवड वेगवेगळी असते तशा प्रत्येकाच्या प्रवासाच्या मर्यादाही ठरलेल्या असतात. सहसा आपण त्या मर्यादा पार करून कुठचा प्रवास करायला बघत नाही. पण अशा प्रवासाबद्दल आपल्याला कुतूहल मात्र असते. अनेकांना माझ्या प्रवासाची गोष्ट खूप विचित्र वाटली असेल. पण आपल्या माहितीत नाहीत असे अनेक भन्नाट प्रवास लोक करत असतात.