मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
स्वल्पविराम
Submitted by प्रतिक सोमवंशी on 18 May, 2019 - 05:27
मी लिहायला लागतो
जगणं, मरणं, प्रेम, विरह
एक, दोन, तीन, चार ओळी
थांबतो...
एखाद्या ओळीला बॅकस्पेस देऊन
पुन्हा नवीन टाईप करतो
थांबतो...
मन हरवलेल असत, कुठे, मलाच शोधाव लागत
त्याला सापडून पुन्हा आणाव लागत
पुन्हा लिहायच
जगणं, मरणं, प्रेम, विरह
पाच, सहा, सात, आठ ओळी
पुन्हा बॅकस्पेस पुन्हा टाईप
थांबायच...
पुन्हा हरवलेल मन, पुन्हा शोधायच
शेवटी एक कविता बनवायची
जगणं, मरणं, प्रेम, विरह
कविता अडखळते
“तू नेहमी त्यात स्वल्पविराम बनून का येतेस?”
©प्रतिक सोमवंशी
इंस्टा @shabdalay
शब्दखुणा:
