मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
ना. धों. !
Submitted by T. J. Patil on 4 May, 2019 - 02:59
ना. धों. !
एक कवि तोहि शेतकरी
मातीत रूजली खोल मुळे
रानांतही लदबदलेली त्यांच्या
कवितेतली मधूर फळे.!
कवि तोवर पांढरपेशे
पुणे मुंबई अन् नाशिकचे
वाटत नव्हते कास्तकरी हे
असतील आपल्याच गांवाचे..!
हरखून गेले भान जेव्हा
झोपडीतला कवी वाचला
हा तर माझा शेजारी जणू
मृदगंधाने लदबदलेला..!
सरस कोण बरे यांच्यामधे
तुलना तयांची करा तरी
बेहोशलेला कविराज खरा
कि गहिवरलेला शेतकरी..!
मृगातल्या सरींनी चिंब
हा माझा आरसाच होता
काट्याकुट्यांच्या वाटेवरचा
आशेचा कवडसाहि होता..!
विषय:
