द्रौपदी (शतशब्दकथा)

‘लेट गो ऑफ मी. हेल्प'

स्त्रीचा आवाज ऐकताच तो गर्रकन वळला. गल्लीच्या दुसर्या टोकाशी एक स्त्री दोन पुरुषांशी झटापट करत होती. तिथे पोचायला त्याला वेळ नाही लागला. त्याने एकाचं मनगट धरलं. त्या मवाल्याने त्याच्यावर पिस्तुल रोखलं. पण त्याच्या नजरेतला विखार जेव्हा जाणवला तेव्हा ते दोघेही अंधारात पसार झाले.

‘तुमचे आभार कसे मानू?'

त्याची नजर आपोआप खाली झुकली.

‘तुम्हाला कुठे जायचंय?’ आपलाच आवाज त्याला अपरिचित वाटला. आजकाल बोलायची सवय राहिली नव्हती.

‘समतानगरला. मी जाईन. नका तसदी घेऊ'.

‘चला सोडतो'

ती स्त्री वळली.