ती आणि मी शतशब्दकथा

मी तिला समजावलं नाही असं कोणीच म्हणू शकणार नाही. अगदी 'तुला तुझा राग अजिबात आवरता येत नाही' असं म्हणणारे माझे मित्रसुध्दा. अर्थात ते ह्यावेळी इथे नाहियेत म्हणा. आणि त्यांना हे कळेपर्यंत खूप उशीर झालेला असेल.

आधी मी तिला प्रेमाने समजावण्याचा खूप प्रयत्न केला. पण ती काहीही ऐकून घेण्याच्या मन:स्थितीतच नव्हती. मग तिने माझं ऐकलं नाही तर त्याचे काय परिणाम होतील हे मी तिला स्पष्टपणे सांगितलं. त्याचाही काही उपयोग झाला नाही. तिचा हेका कायम. तेव्हा मात्र माझा नाईलाज झाला. मी इथेतिथे बघू लागलो. कोपर्यात छत्री दिसली. मी ती उचलली आणि......