स्फुट - नतमस्तक

स्फुट - नतमस्तक

एक चिरंतन उद्वेग
एक प्राचीन आकांत
एक अखंड अपेक्षांचा स्रोत

ऐहिक त्यागाच्या
डोळे पाणावणाऱ्या
वेष्टनात कशीबशी झाकलेली
एक तीव्र आत्ममग्नता

कैक आपले, दुसऱ्यांचे
दुर्गंध मुरवत
स्व प्रतिष्ठेसाठी दरवळणारा
अवयवांचा गुच्छ

कायिक भान
स्वतः अधिक ठेवणारा
पण दुसऱ्याने ठेवण्यावर
गुरकावणारा
अविवेकी वैचारिक स्तर

प्रतारणेची जननी
मत्सराची भगिनी
अतृप्तीची कन्या
आणि
चारित्र्याचा स्वयंघोषित मापदंड