अंडा भुर्जी

मी एक मध्यमवर्गीय माणूस आहे. थोडी काटकसर करतो. थोडी जीवाची चैन करतो. मध्यमवर्गीय असलो म्हणून काय झाले, थोडे पैसे खर्च करून सुख मिळवायचा अधिकार मलाही आहे.

तर मला मांसाहार करायला फार आवडते. त्यात सहज उपलब्ध होणारे चटकमटक अंडे तर माझ्या खास आवडीचे. नेहमी घरीच खाणे होते. पण बाहेरची भुर्जी पाव जरा जास्त आवडते. अर्थातच त्याला पैसे जास्त पडतात. तरी नाक्यावरच्या गाडीवर तुलनेत स्वस्त पडते म्हणून पंधरावीस दिवसांनी एक चक्कर असतेच.