स्फुट ३३ - बिनडोक अनसूया

काडीची अक्कल नाही तिला
नांव मोठं फॅशनेबल
काय तर म्हणे अनसूया
आता ह्या नावाचा अर्थ काय?
तिला कोणाचा मत्सर वाटत नाही असा?
की तिचा कोणाला मत्सर वाटत नाही असा?
तिचा कशाला वाटेल कोणाला मत्सर?
हातात आहे ते घालवणारी बाई!

कातकरी रंग, कातकरी चेहरा, कातकरी लुगडं!
वय अठ्ठावीस!
एक पैसा कमवत नाही!
शिक्षण पाचवी!
पदरात दोन मुलं! दोघेही फुकटातल्या शाळेत!
नवरा शेतात राबतो! दिवसाला एकशे ऐंशी कमवतो!
पण ते आठवड्यातून तीनच दिवस!
बाकीचे चार दिवस काम मिळत नाही!
मग जातो जवळच्या नदीवर मासे धरायला!
वार्षिक उत्पन्न पंधरा हजार अधिक चार सहा मासे दिवसाला!

आणि ही अनसूया!