फेअर

फेअर अँड हँडसम -

आरशासमोर उभा राहून केस विंचरत, तोंडाला पावडर लावत नीलची तयारी चाललेली. शाळेत आज मूल्यशिक्षणाच्या तासानंतर फक्त गप्पा, गोष्टी, गाणी, फिशपॉंड, भेंड्या असा कार्यक्रम. नील गाणं म्हणणार होता - 'दिलवाले' मधील 'जिता था जिसके लिये'. गेला एक आठवडा गाणं गाऊन पक्कं केलेलं. इतकं कि घरातलेही वैतागले होते कि कधी हा एकदाचा गाऊन मोकळा होतोय. कधी नव्हे तो आईच्या पाया पडला. तर आईला भलतंच टेन्शन - "कुणा मुलींसाठी तर नाही ना हे गाणं गात आणि ती मिळावी म्हणून हा पाया पडला???" त्याने आरशातून आईकडे पाहत तिच्या मनातलं हे बोलणं स्पष्ट ऐकलं आणि केस नीट करत स्वारी घराबाहेर निघाली.