स्फुट २९ - उद्या येईल तो

उद्या येईल तो
तू दाखवशील त्याला काहीतरी अद्भुत
तो चक्रावेल
मग आवरून ठेवेल पसारा
तू न्याहाळशील
त्याच्या चेहर्‍यावरचा गोंधळ
किंवा नसलेला गोंधळ!!
क्षणभर तुला वाटेल
कैक क्षणांची शिदोरी बनली
पण प्रत्यक्षात
तो तुझ्यासाठी गोंधळ ठरेल!!
मग तू आवरशील,
शॉवरच्या धारांबरोबर
ड्रेनेजमध्ये जातील
कित्येक व्यक्तिमत्वे तुझी
एक लखलखीत निरर्थकता
परफ्यूमने गंधीत करशील तू
आणि किक मारशील
नव्या दिवसाला
पण त्यापूर्वी
नवे कपडेही घालशील
आणि नवा मुखवटाही चढवशील!!
गंजलेली गात्रे
करकरत
पोचतील मुक्कामाला!!
एक ग्लानी
तेलपाणी करेल
तुझ्या अस्तित्वाचे!!
सकाळचा परफ्यूम