लोपली युगे अनेक

एका ग्रूपवर डॉ. कैलास गायकवाड ह्यांनी दिलेल्या तरही मिसर्‍यानुसार रचलेली गझल! कैलासरावांचे आभार!

-'बेफिकीर'!

==========

काळ लावतो सदैव लेप अन् मलम तरी
लोपली युगे अनेक, ओलसर जखम तरी

केवढ्या अपूर्ण वासना नभात साचल्या
चांदणे बघून हेच वाटले प्रथम तरी

वेल फक्त आपलाच कार्यभाग साधते
नांदते खुशाल, झाड जाहले कलम तरी

ती मला बघून खिन्न होउनी चपापली
राहिली म्हणा कुणात एवढी शरम तरी

पावसाळली हवा नि कुंद जाहली मने
आळसून थांब तू, हवी कुणास रम तरी

धड जमत नसेल तर इथे तरी निघून ये
मी नको असेन तर तिथे निदान रम तरी

विविधतेत एकता जिथे तिथे दिसायची