स्फुट ७ - थर्डक्लास तारे

वेळी-अवेळी, दुपारी वगैरे
वॉचमनला थोडे खुष करून
सोसायटीत येऊन
अनोळखी घरांच्या बेल्स वाजवून
आपला अपमान होईल ह्याचे भान ठेवून
स्पष्ट नकारासाठी तयार होऊन
तोंडावर दार आपटले जाईल हे मान्य करून
ओरडाआरडा होईल ह्याची जाणीव ठेवून
'हाऊ कॅन यू जस्ट नॉक द डोअर'
असे खेकसून घ्यावे लागेल हे गृहीत धरूनही

ज्या कृत्रिम नम्र चेहर्‍याने
अजीजीयुक्त मैत्रीपूर्ण स्मितहास्याने
साखरेत बुडवलेल्या शब्दांनी
मान तुकवून अभिवादन करत
एक अक्षरही उलटे न बोलता
अजिबात आग्रही भूमिका न घेता
ज्या तटस्थपणे
समोरचे दार आपटले गेले की
तू दुसरे दार वाजवायला जातोस

अरे दारोदारी फिरत्या विक्रेत्या