रियुनियन - सौ. विमलाबाई गरवारे

विमलीज रियुनियनः (सौ. विमलाबाई गरवारे प्रशालेच्या १९८५ पास आऊट बॅचची रियुनियन)

तीस वर्षांनी १७ जण भेटले. एकदोन, एकदोन हाकांमध्ये! जणू काही ह्या हाका कधी मारल्या जातायत ह्याचीच वाट पाहत होते सगळे! जणू काही ह्या हाका ऐकू येतील इतक्याच अंतरावर ताटकळून उभे होते. पाच, सहा जण खूप लांब होते. ते व्हॉट्स अ‍ॅपवरून मिनिटामिनिटाला अपडेट्स मागत राहिले. त्यांचे नेहमीचे आयुष्य तासभर खुंटीला टांगून ते तीस वर्षापूर्वीच्या वर्गात ह्या सतराजणांबरोबर जणू मनाने उपस्थित राहिले.