कोथळ्याचा भैरोबा

'अजून पोचायला तासभर तरी लागेल तुम्हाला.. या तुम्ही सावकाश.. वाट बघतो ' समोरून आम्हा मुंबईकरांची वाट पाहत असणाऱ्या पुणेकरांपैंकी एकाचा फ़ोन.. आमची गाडी एव्हाना कळसूबाई शिखराच्या बाजूने जात होती.. रात्रीच्या शीथल चांदण्यात निद्रिस्त झालेले ते उत्तुंग शिखर खूपच मोहक वाटत होते.. मनोमन प्रणाम करून आम्ही पुढे निघालो.. मुंबईहून दोन गाडया निघाल्या होत्या.. लवकरच राजूरला एका फाट्याजवळ पोचलो.. जिथे पुणेकरांची टेंपो ट्रेवलर आमची वाट पाहत थांबली होती..