मायबोले गणेशोत्सव २०१४

नमस्कार
मी... मी , काय ओळख करून देणार माझी ?

मी बॉलीवूडच्या सर्वात सुपरहीट सिरीजचा सुपरहिरो आहे. हॉलीवूडच्या तोडीचे स्टंटस, महागड्या सुपरबाईक्सवरून केलेले पाठलाग, हाणामा-या यामुळे एका सुपरकॉपला माझ्याशिवाय पर्याय नाही. आख्ख्या मुंबई आणि महाराष्ट्र पोलिसांचं बजेट एकत्र केलं तरी टेंडर निघणार नाही अशी एकेक सुपरबाईक मी त्या सुपरकॉपला सहज देत असतो. थोडक्यात काय तर हॉलिवूडमधे असतो तर माझ्या नावाचे टी शर्ट्स छापले गेले असते, व्हॉट्सप, फेसबुक, यूट्यूब सगळीकडे माझा बोलबाला असता. पण एक नाही, दोन नाही, तीन तीन सुपरहीट सिनेमे देऊनही माझं नावच कुणी घेत नाही.

ओळखलं कि नाही अजून ?